elektronskii-lepenki-za-monitoring-sega-poevtini-i-polesni-za-izrabotka_image1
Споделете со пријателите!

Истражувачки тим од Остин, Тексас од факултетот за инженерство – Cockrell School of Engineering од Универзитетот во Тексас откри метод за производство на евтини и високо ефикасни лепенки за носење, коишто постојано можат да ги мониторираат виталните знаци на човечкото тело важни за здравјето

Предводени од страна на доцентот Наншу Лу – Nanshu Lu, производствениот метод на истражувачкиот тим се обидува да создаде здравствени лепенки за мониторинг коишто се за еднократна употреба за масовното производство на епидермални електроники, т.е. за популарната технологија којашто професорката Лу помогна да се развие во 2011 година. 

Овие лепенки потенцијално ги надминуваат традиционалните алатки за мониторинг, како што се на пример досегашните уреди за мониторинг на срцето.

Научниот пробив на истражувачите се состои во повторувачката постапка по пат на „исечи-залепи“ – cut-and-paste со чија помош производствениот процес се намалува од неколку денови на само 20 минути. Истражувачите веруваат дека нивниот нов метод е компатибилен со производствениот процес roll-to-roll – начин на производство на уреди користејќи ролна од флексибилна пластика и машина за обработка.

Овие сигурни, ултра тенки електронски уреди за носење на кожа, коишто цврсто се залепуваат на кожата слично како привремените тетоважи, претставуваат релативно нова иновација. Овие уреди имаат способност да ги детектираат и пренесуваат виталните сигнали од човечкото тело, да ги следат отчукувањата на срцето, нивото на хидратација, движењата на мускулите, температурата, како и активноста на мозокот.

И покрај тоа што ова е ветувачки изум, процесот на производство е долготраен, макотрпен и скап и поради овие причини до сега потенцијалот на овие уреди беше попречен.

„Еден од најатрактивните аспекти на епидермалните електронски пронајдоци е нивната можност за еднократна употреба“ – истакна професорот Лу. „Доколку тие може да се направат за да бидат евтини, на пример за по еден американски долар, тогаш многу луѓе ќе бидат во можност да ги користат почесто. Ова ќе отвори врата за голем број на мобилни медицински апликации и пошироко“ – додаде таа.

Прочитајте:  Вистината за солта

Т: електронски, здравствени, лепенки, лепенка, поевтини, полесни, изработка, електроника, мониторинг, срце, витални, функции, следење, уред, електронски, привремени, тетоважи, детектира, активност, мозок, мозочна,  Nanshu Lu, епидермални, изум, мобилна, здравствена, индустрија,

Методот на Наншу Лу е првиот сув и мобилен процес на производство на овие електронски уреди, кој за разлика од досегашниот метод, нема потреба од чиста просторија и останати скапи ресурси и опрема. За разлика од порано, новата техника се базира врз слободно производство кое може да се спореди со 3-Д печатењето, со таа разлика што материјалот се одзема, наместо да се додава.

Овој процес од два чекори започнува со метал со индустриски квалитет, депониран на полимерни листови. Најпрво, електронското механичко сечило се користи за креирање на обрасци на металните полимерни листови. Потоа, по отстранувањето на вишокот од материјалот, електрониката се печати врз полимерно лепило. Образецот е моделиран до големина на лепенка, а самата шема може лесно да биде прилагодена.

„Ние се обидуваме да додадеме повеќе типови на сензори, вклучувајќи сензори за крвниот притисок и кислородна сатурација, на оваа евтина лепенка“ – додаде Лу.

Професорот Деџи Акинванд – Deji Akinwande и експертот за материјали на факултетот Кокрел – Cockrell School, верува дека методот на Лу може да биде трансфериран на ролованото производство – roll-to-roll manufacturing. „Вака гледана иновацијата на Лу претставува голем напредок за мобилната здравствена индустрија“ – истакна професорот Акинванд.

 


Споделете со пријателите!