Безболен скенер за вени

Оваа направа проектира дигитална слика од вашите вени директно на кожата, што овозможува полесно да се пронајдат вените кога треба да се земе крв

Боцкањето за да се земе примерок од крв за тестирање, за да се стави инфузија или катетер, е основна вештина што секое медицинско лице мора да ја поседува. Сепак, оваа вештина не е лесна за да се совлада. Сите медицински училишта не нудат секогаш доволно соодветна пракса. Многу пациенти страдаат токму поради тоа што медицинските лица не можат да ги пронајдат нивните вени.

За среќа, за сите недоволно искусни, но и за сите искусни медицински лица постои безболно помагало, кое веднаш дава слика на моменталната состојба на поткожните крвни садови на пациентот.

Скенерот за вени е идеален за пациентите со „скриени вени“. Користи инфрацрвено светло и други патентирани технологии за да се лоцираат и видат поткожните крвни садови и истите ги детектира до длабочина од 10 мм.

Ова инфрацрвено светло се апсорбира од страна на хемоглобинот од крвта, а потоа се рефлектира во околното ткиво. Тоа му овозможува на уредот да ги прикажува сликите од вените во реално време. Скенерот обезбедува моментален увид за успехот на третманот кај пациентите кои се лекуваат со склеротерапија.

Производителот на скенерите за вени „Christie Medical Innovations“ е светска компанија од Мемфис, Тенеси, чија специјалност е да открива, развива и продава корисна медицинска технологија. Скенерот за вени – „VeinViewer“ е мобилен васкуларен систем за скенирање што им овозможува на медицинските работници веднаш и јасно да го видат достапниот васкуларен систем безболно, на кожата на пациентите. Постојат неколку модели на „VeinViewer“.

Со квалитет на сликата што е водечки на пазарот, ексклузивните модели и оптималната безжична техника, лекарите низ целиот свет веќе го користат скенерот за вени со што значително се подобрува васкуларниот пристап и грижата за пациентите. Компанијата „Christie“ сега нуди и програми за едукација и обуки за производите „VeinViewer“. „Christie Medical Holdings, Inc.“ продолжува со  својата посветеност на едукацијата и иновациите со нивната уникатна програма за сигурност „Christie Assure Program“.

„Ние нудиме континуирана обука и едукација за нашите производи, како и продолжување на часовите за контакт за давателите на здравствени услуги. За нас е важно дека вие и вашиот персонал имате одржливо ниво на клиничка пракса за користење на „VeinViewer“ производите“ – велат производителите.