Споделете со пријателите!
Овој намаз секако дека можете и да го купите од локалниот супер маркет, но вувајте дека истиот е многу поздрав и поевтин доколку самите си го приготвите во вашата креативна кујна.
- 200 gr. зелени, црни или сушени маслинки (може и да се направи микс од истите)
- Чешне лук (не е задолжително)
- 2 лажици мелени бадеми (не е задолжително)
- Зачини по вкус
Маслинките исчистени од семките ставете ги во блендер заедно со излупеното чешне лук, доколку одлучите да ставите и мелени бадеми, тие треба да одстојат во топла вода една ноќ. Додадете зачини по желба: оригано, чили, рузмарин … она што го сакате и често го користите во вашата кујна. Сето тоа добро изблендирајте го и потоа префрлете го во стаклена тегла.
Вкусниот намаз мачкајте го на препечен леб или брускети. Може да издржи покриен во фрижидер и до неколку дена.
Споделете со пријателите!
