„Откривме дека женските мускули побрзо го извлекуваат кислородот од крвта, што, научно кажано, укажува на супериорен аеробен систем“, вели Ричард Хјусон.
Една нова студија покажува дека кога жените вежбаатннивното тело го процесира кислородот многу побрзо отколку телото на мажите. Ова претставува супериорност кога стануваат збор атлетските физички активности. Со други зборови, студијата докажува дека жените можеби имаат предиспозиции да бидат пофит од мажите.
Додека општеството сè повеќе прави напор да напредува во општествено-политичката сфера на родовата еднаквост, постојат области каде што физичките разлики помеѓу половите се многу важни. Атлетското тренирање е една од тие области.
Ова ново истражување го предизвикува традиционално верување дека мажите се атлетски супериорни над жените. Неодамнешната студија ги испитувала половите разлики во одговорот на телото во текот на аеробното вежбање. Поконкретно се фокусирала на тоа како полот влијае на способноста на телото да го процесира кислородот откако ќе започне со вежбање.
Истражувањето го водел Томас Белтрам од Универзитетот Ватерло во Канада, а наодите беа објавени во списанието „Applied Physiology, Nutrition and Metabolism“.
Жените ги надминале мажите за 30 отсто
Белтран и неговите колеги објаснуваат во својот труд дека досегашните претходни студии што ги дефинирале мажите како поспособни за побрз внес на кислород биле спроведени кај деца и постари возрасни лица. Тие потенцираат дека способноста за брз внес на кислород што, всушност, претставува стандардна мерка за испитување на способноста на телото за извршување аеробни активности, не била предмет на истражување кај здрави млади возрасни лица. Оттука, тие претпоставиле дека и кај оваа возрасна група резултатите од претходните истражувања би останале исти, односно дека мажите ќе покажат побрз проток на кислород.
Тимот истражувачи решил да ја потврди својата хипотеза и регрутирал 18 здрави млади учесници да бидат дел од истражувањето, од кои 9 биле мажи и 9 жени. Сите учесници биле на слична возраст, имале слична тежина и биле физички активни.
Учесниците биле вклучени во четири тестови: еден кардиопулмонарен тест за вежбање на лента и три тестови за вежбање на лента со умерен интензитет. Тестовите откриле дека периферната и пулмонарната екстракција на кислородот била неверојатно побрза кај жените, односно кислородот во нивното тело циркулирал за 30 отсто побрзо отколку кај мажите.
Наодите може да го променат аеробното вежбање
Ричард Хјусон, професор на Факултетот за применети науки на Универзитетот во Ватерло и автор на студијата, го објаснува значењето на резултатите од тестовите.
„Откривме дека женските мускули побрзо го извлекуваат кислородот од крвта, што, научно кажано, укажува на супериорен аеробен систем“, вели тој.
Максималниот внес на кислородот е стандардна мерка за одредување на аеробна кондиција и ја опишува количината на кислород што телото може да ја внесе и користи во текот на една минута. Побрзата обработка на кислородот којашто е забележана кај жените може да значи дека можеби тие имаат способност подобро да вршат аеробни активности, како и дека можеби се помалку склони кон замор на мускулите.
