Ако сте загрижени дека вие или некој за кого се грижите може да страда од депресија, но не сте сосема сигурни колку е сериозна, запрашајте се како лицето се справува кога станува збор за четири клучни мерила на среќата
Депресијата е во пораст на глобално ниво. Експертите за ментално здравје во САД, забележуваат дека таа е во пораст особено кај тинејџерите. Од 2005 до 2015 година, стапките на депресија кај деца на возраст од 12 до 17 години, како и стапката на самоубиства на тинејџерки сега е највисока за периодот од четири децении. Во македонија според заводот за статистика помала е стапката на самуоубиства но околу 200 000 луѓе болдеуваат од неа.
Експертите не се сигурни што го предизвикува овој вознемирувачки тренд, но тие се загрижени за менталното здравје на земјата.
Во Њујорк, се разработува проект за регрутација и обука на еден вид цивилна армија за ментално здравје која ќе биде составена од 250.000 волонтери. Луѓето обучени за „прва помош за ментално здравје“ ќе бидат во можност подобро да започнат разговори, да им дадат помош и да покажат сочувство за пријателите, колегите, соседите и други прашања поврзани со менталното здравје.
Доброволците вклучени во овој проект учат едноставни начини да можат да ја забележат разликата помеѓу некој што се соочува со лошо расположение или неколку лоши денови и лице со посериозна, долгорочна депресија.
Тренерите предлагат пристап кој се состои од четири зборови за проверка.
Ако сте загрижени дека вие или некој за кого се грижите може да страда од депресија, но не сте сосема сигурни колку е сериозна, запрашајте се како лицето се справува кога станува збор за четири клучни мерила на среќата.
Дали менталната состојба на вашата сакана личност има влијание врз способноста на лицето да:
- Живеење (тука влегува справување со секојдневни обврски, работа, хигиена итн);
- Смеење (способност да се радува, да се смее);
- Учење (намалена концентрација, заборавност);
- Љубов.
Ако овие четири столбови на животот се компромитирани од постојан облак на тага или индиферентност, тоа може да значи дека депресијата е веќе присутна.
Многу е веројатно да познавате некој што се справува со депресија
Светската здравствена организација (СЗО) проценува дека околу 5,9 отсто од населението во САД е со дијагностицирано депресивно растројство. Тоа значи дека повеќе од 1 на секои 20 Американци страдаат од депресија.
Депресијата е најголем причинител за „нефатална здравствена загуба“ во светот, според СЗО. Тоа влијае на околу 4,4 % од светот, иако тие стапки се разликуваат од место до место.
Највисока стапка на депресија во светот има меѓу жените во Африка, додека некои од најниските се кај мажи на западните пацифички острови, вели СЗО.
Здравствените работници во САД и кај нас за да дијагностицираат депресија, користат прирачник наречен DSM-5, или „Дијагностички и статистички прирачник за ментални нарушувања“.
Во него се наброени неколку вообичаени знаци на депресија и за да ја дефинира депресијата како дијагноза, услов е да трае повеќе од две недели и да влијае на способноста на лицето да се зафати со својот живот, уживајќи во активностите што обично го прават среќно.
Депресијата може да ја промени перцепцијата на човек што мисли и чувствува за светот, и може да ги искорени вообичаените активности во неговиот просечен ден.
Во некои случаи, може да е невозможно за засегнатото лице да излезе од кревет наутро. Исто така може да има влијание и врз другите дневни рутини, како на пример како спиење, јадење и работата.
Само обучен професионалец за ментално здравје може официјално да ја дијагностицира депресијата, но кога станува збор за „прва помош“ за депресија, овие препознатливи знаци може да бидат прво предупредување дека би било добро да побарате помош.
Постојат апликации кои се онлајн и имаат за цел да обезбедат некои од придобивките од психотерапијата. Тука спаѓаат Woebot, систем заснован на текстуални пораки, но тие не се тестирани и во никој случај не претставуваат замена за ментално здравје.
