dali-kofeinot-mozhe-da-ja-namali-hronichnata-bolka_image
Споделете со пријателите!

Многу пациенти со хронична болка страдаат од слаб сон и дневен замор, а некои лекови за болка можат да придонесат за овие коморбидитети.
Кафето е полно со изненадувања, а уште едно беше откриено од страна на истражувачите од Детската болница во Бостон. Во едно истражување тие открија дека тајното оружје на кафето, кофеинот, како и друга стимулирачка хемикалија помогнале на глувците со недостаток од сон да се справат со болката. Тие заклучија дека за да им се помогне на луѓето со хронична болка, прво треба да се обрне внимание на заморот со којшто се соочуваат.

„Како глувците станувале сè повеќе исцрпени, тие станувале сè почувствителни на болката и реагирале побрзо“

Во текот на истражувањето невролозите и невробиолозите прво предизвикале хроничен недостаток на спиење кај глувците, забавувајќи ги со играчки во периодот кога вообичаено би спиеле. Потоа тие ги изложиле глувците на различни форми на болка и мереле колку време им треба за да се оттргнат од изворот на негативниот стимул. Како што глувците станувале сè повеќе исцрпени, тие станувале сè почувствителни на болката и реагирале побрзо.

На крајот научниците ги третирале глувците со лекови за да им помогнат да се справат со болката. Но тие, наместо да реагираат на вообичаените лекови против болка, како што се ибупрофен и морфиум, истражувачите откриле дека глувците најдобро одговориле на лековите за будност, имено на кофеинот и модафинилот. Сепак, двата лекови немале аналгетски ефект кај одморените глувци, потврдувајќи дека истите повеќе се насочени кон заморот на глувците, а не на самата болка. Резултатот од студијата е пренесен во еден труд, објавен во списанието „Nature Medicine“.

„Ова се нови типови на аналгетици, оние што зависат од биолошката состојба на животното. И претходно не биле предмет на разгледување“, во интервју потенцираше Клифорд Вулф, директор на Центарот Кирби.

„Овој тип на лекови може да помогнат да се наруши хроничниот циклус на болка, при што болката го нарушува спиењето, што потоа ја поттикнува болката, што дополнително го нарушува спиењето“.

Додека овие резултати сè уште не се докажани кај луѓето, истражувачите веруваат дека студијата ја нагласува важноста да им се помогне на луѓето што страдаат од хронична болка да го добијат одморот што им треба, вели специјалистот за спиење Киран Маски.

Прочитајте:  Предности на природниот третман на несоница во однос на седативите и хипнотиците

„Многу пациенти со хронична болка страдаат од слаб сон и дневен замор, а некои лекови за болка можат да придонесат за овие коморбидитети. Оваа студија предложува нов пристап кон управувањето со болката што ќе биде релативно лесно да се спроведе во клиничката нега“, потенцираше тој.


Споделете со пријателите!