favipiravir-pronajden-lekot-za-covid-19
Споделете со пријателите!

Антивирусниот лек Favipiravir кој од неодамна почна да се испитува на пациенти во лечењето на болеста предизвикана од COVID-19, покажал добра клиничка ефикасност, тврдат официјалните медицински власти во Кина
Кина го заврши клиничкото испитување на Favipiravir, антивирусен лек кој покажа добра клиничка ефикасност против COVID-19, според извештајот на официјалните власти во Кина.

„Корона вирусите (CoV) се голема фамилија на вируси кои предизвикуваат различни болести со симптоми кои варираат од обична настинка до најтешки респираторни болести како на пример Middle East Respiratory Syndrome (MERS-CoV) и Severe Acute Respiratory Syndrome (SARS-CoV). Coronavirus disease (COVID-19) е нов сој кој беше откриен во 2019 и претходно не бил идентификуван кај човекот.“

Favipiravir, лек за грип одобрен за клиничка употреба во Јапонија во 2014 година, не покажа некои посебни несакани реакции во клиничките испитувања, изјави на неодамнешната прес конференција Zhang Xinmin, директор на Кинескиот Национален Центар за Биотехнолошки развој кој е под Министерството за Наука и Технологија во Кина.

Favipiravir како лек за COVID-19 е веќе предложен кај медицинските тимови што се занимаваат со дијагноза и терапија на оваа болест и тие би требало да го вклучат во секојдневните протоколи што е можно поскоро, додава Zhang.

Повеќе од 80 пациенти учествувале во клиничката студија во болницата „The Third People’s  Hospital of Shenzen“ во јужната кинеска провинција Guangdong. Oд нив, 35 пациенти земале Favipiravir а останатите 45 пациенти биле во контролна група. Резултатите покажале дека пациентите кои го земале лекот, биле негативни на вирусот во пократок временски интервал отколку пациенти кај кои не била давана оваа терапија.

Прочитајте:  Митови и Невистини поврзани со COVID-19 и Корона вирусот

Уште една мултицентрична клиничка студија по случаен избор, спроведена во Zhongan Hospital на Wuhan University, исто така сугерирала дека терапевтските ефекти на Favipiravir се многу подобри отколку во контролната група на пациенти.

Кинеска фармацевтска компанија веќе има добиено одобрение од National Medical Products Administration за масовна производство и континуирано снабдување со лекот Favipiravir.


Споделете со пријателите!