toksichniot-ekstrakt-upotreben-vo-otrovni-streli-mozhe-da-bide-idninata-na-mashka-kontracepcija_image
Споделете со пријателите!

Научниците идентификувале состојка која може да биде погодна за производство на машка контрацептивна пилула во екстракт од растенија што го користеле африканските воини и ловци
Научниците идентификувале состојка која може да биде погодна за производство на машка контрацептивна пилула во екстракт од растенија што африканските воини и ловци традиционално ја користат како отров за сопирање на работата на срцето на нивните стрели.

Тим истражувачи од Универзитетот во Минесота и Универзитетот во Канзас велат дека уабаин, токсична супстанција добиени од два вида африкански растенија – а исто така произведена од цицачите во помали количини – може да послужи како основа за добивање на машка контрацептивна пилула.

Во својата првобитна форма, уабаин се наоѓа во корените, стеблата, лисјата и семињата на растенијата Acokanthera schimperi и Strophanthus gratus од источна Африка – кои се откриени од античките Етиопски воини пред повеќе од два милениуми.

Слично како и воините од Кенија, Танзанија и Сомалија, етиопските ловци и воини ја добиваат отровната супстанца со вриење на билките и потоа ги натопуваат врвовите од стрелата во концентрираната течност.

После неколку илјади години после нив, европските научници во 18 век откриле дека екстрактот делувал како кардијален гликозид – соединение кое може да ја зголеми силата на срцевите отчукувања додека ја намалува неговата контракција.

Поради тоа, претходно уабаин се користел во многу ниски дози, за лекување на состојби како хипотензија и аритмија. Во моментов оваа состојка не е одобрена за употреба во САД бидејќи сеуште се смета за опасна супстанција.

Сепак, овој опасен отров би можел да направи медицински пресврт – конкретно кога станува збор за неговата нова, безбедна форма и потенцијалот на екстрактот да влијае на плодноста кај мажите.

Претходните истражувања покажаа дека може да ја контролира плодноста кај мажите, но поради способноста на супстанцијата да влијае на срцевата работа, не се сметал за доволно безбеден за употреба како контрацепција.

Прочитајте:  Најбрз начин за подигнување на тестостеронот

Најновите согледувања на истражувачкиот тим кој користел машки стаорци за експериментот со цел да покаже дека, модифицираниот аналог на уабаин сепак може да ја спречи плодноста на животните и при тоа да не влијае на другите органи и системи.

Дериватот на уабаин се добива со отстранување на неговата шеќерна група и замена на неговата лактонска со триазолна група. Механизмот на дејство се состои во тоа што ја намалува подвижноста на сперматозоидите.

Поконкретно неговото дејство на спермата е преку силно врзување на една субединица на клетките наречени Na, K-ATPase α4, што го нарушува мотилитетот (движењето) на спермата, доволно за да предизвика машка неплодност.

Тоа е ветувачки резултат кој обезбедува уште една можност за истражување на машка контрацептивна пилула, особено затоа што досегашното истражување сугерира дека ефектот е реверзибилен – намалувањето на мотилитетот забележан кај животните не е трајно.


Споделете со пријателите!