belite-drobovi-imaat-nova-uloga-tie-proizveduvaat-krv_image
Споделете со пријателите!

Белите дробови произведуваат повеќе од 10 милиони тромбоцити за еден час
Научниците од Универзитетот на Калифорнија, во Сан Франциско, открија дека белите дробови имаат покомплексна улога во телото на цицачите отколку што досега се мислеше. Новите докази покажуваат дека тие немаат само респираторна улога, туку имаат клучна улога во создавањето на крвта во организмот.

Во експериментот кој вклучувал глувци, тимот истражувачи открил дека белите дробови произведуваат повеќе од 10 милиони тромбоцити за еден час, со што се изедначуваат со мноштвото тромбоцити во циркулацијата. Ова е во спротивност со повеќе децениската констатација дека коскената срцевина ги произведува сите компоненти на крвта. Истражувачите во нивните испитувања, откриле сосема нов, претходно непознат „базен“ на матични клетки кој се создава во белите дробови, со што се побива фактот дека тие се произведуваат главно во коскената срцевина.

„Овој пронајдок, дефинитивно ни дава нов пософистициран поглед на белите дробови, дека тие не се само корисни само за дишењето, туку играат и клучна улога во созадавањето на важните аспекти на крвта, вели еден од истражувачите, Марк Лони.

Научниците долго време претпоставувале дека најголемиот дел од клетките одговорни за производство на крв се наоѓаат внатре во коскената срцевина, но исто така е знаеле дека белите дробови призведуваат лимитирани единици на тромбоцити, наречени мегакариоцити. Тука, се сметало на процесот наречен хематопоеза (haematopoiesis), кој е процес на збогатување со кислород на црвените крвни зрнца, бели крвни зрнца и тромбоцити, сите крвни компоненти потребни за борба против крварењето. Но, истражувачите сега ја набљудувале улогата на мегакариоцитите, во ткивото на белите дробови, за производство не само на одреден број, туку на најголемиот број тромбоците во телото.

„Се поставува прашањето како досега научниците не го воочиле овој биолошки процес“

Се поставува прашањето како досега научниците не го воочиле овој биолошки процес. Откритието било овозможено од новиот тип на технологија базиран на двофотонска интравитална слика, слична техника која била користена од друг тим, кој открил претходно непозната функција на малиот мозок. Овој процес, вклучувал инсертирање на супстанција наречена зелен флуоресцентен протеин во геномите на глувците, протеин кој природно се произведува од биолуминцентни животни, како медузите и се опасни по живите клекти.

Тромбоците на глувците почнале да емитуваат јасна зелена флуоресцентна светлина со нивното кружно движење во телото во вистинско време, со што им овозможило на научниците да ја следат нивната патека, како никогаш досега.  Тие забележале изненадувачко голема популација на производство на тромбоцити – megakaryocytes, во ткивото на белите дробови, што напочетокот немало многу смисла, ако се гледало дека тие вообичаено се поврзани со коскената срцевина.

Тие откриле дека оваа голема „залиха“ на мегакариоцити, всушност произведува повеќе од 10 милиони тромбоцити за еден час во дробовите на глувците, што значи дека половина од тромбоцитите се произведуваат во белите дробови.

Подоцнежните експерименти исто така откриле големи количини на претходно скриени матични клекти и megakaryocyte progenitor cells (клетки кои ги зголемуваат megakaryocyte  и црвените крвни зрнца) кои се наоѓаат надвор од ткивото на белите дробови, околу еден милион на едно белодробно крило на глушецот.

Прочитајте:  Со јога до здраво срце

„Фасцинирачки е дека мегакариоцитите патуваат од коскената срцевина сè до белите дробови за да произведат тромбоцити, вели научникот Гвадалупе Отриз-Муњоз, која додава дека е возможно белите дробови да бидат идеален биореактор за производство на тромбоцитите, поради механичката сила на крвта или поради некоја молекуларна сигнализација која е сè уште непозната.

„Научниците сакале да испитаат дали ова откритие може да има ефект во лекувањето на болести“

Научниците сакале да испитаат дали нивното откритие може да има ефект во лекувањето на болести како што се воспаление на белите дробови, крварењето и трансплантанцијата во иднина, со трансплантирање на бели дробови со флоуросцентни megakaryocyte progenitor клетки во глувци со низок број на тромбоцити. Трансплантантот довел до експлозија на ослабените тромбоцити, за да во подоцнежниот период, истиот тој довел до враќање на тромбоцитите во нормална состојба.

Друг експеримент тестирал што ќе се случело ако коскената срцевина не ја игра својата улога во создавањето на крвта. Тим на истражувачи пресадил бели дробови во глувци со флоуросцентни megakaryocyte progenitor клетки, кои биле создадени да немаат матични клетки од коскената срцевина.

Како што објаснува Мајкл Ирвинг, тие ги набљудувале флоуросцентните клетки од пресадените дробови, како го наоѓаат својот пат до коскената срцевина, каде што тие одиграле улога не само во создавањето на тромбоцити, туку и на други клучни крвни компонентни, како неутрофили, Б клетки и Т клетки.

Овие резултати треба што поскоро да бидат применети и кај луѓето, пред сè да бидеме сигурни дека истиот процес може да се случува и во нашите тела, но студијата дава силен случај за оваа скриена функција на еден од најпотценетите органи во нашето тело. Тоа исто така ќе им даде храброст на научниците да истражуваат во иднина како коскената срцевина и белите дробови работат заедно на производство на крвта во нашиот организам. „Со децении беше познато дека белите дробови може да бидат место за создавање на тромбоцити, но оваа студија ја разоткри оваа идеја со демонстрација на тоа дека белите дробови на глувците се најголеми „играчи“ во овој процес, вели Трејси Мондоро од Американскиот институт за срце, бели дробови и крв, која не била вклучена во ова истражување.


Споделете со пријателите!