prashinata-od-sahara-predstavuva-seriozen-alarm-za-bolnite-od-astma_image
Споделете со пријателите!

Јужното воздушно струење освен пролетни температури носи и ситен песок од Сахара кој деновиве е застапен над Македонија, што ќе придонесе за големо количество на прашина во воздухот
Прашината од Сахара може да предизвика зголемен број на асматични напади, а исто така може да доведе до непредвидлив развој на состојбата, предупредуваат експертите. Астматичарите треба да останат во затворени простории, активностите на отворено би биле „непотребен луксуз“, а ефектите од една песочна бура може да се чувствуваат и по неколку недели, предупредува д-р Кит Праус, почесен медицински советник на Британската Фондацијата за белодробни заболувања. 

„Прашината од Сахара придонесува за невообичаено високо ниво на загаденост на воздухот и претставува закана по здравјето на постарите луѓе како ранлива категорија“, истакува д-р Праус. 

Тој предупредува дека симптомите кај луѓето со астма и оние кои што имаат проблеми со белите дробови, може да траат и неколку недели по смирување на бранот со прашина. „Најранлива категорија се луѓе со респираторни болести и болести на срцето, децата и постарите луѓе бидејќи нивниот имунолошки систем потешко се справува со тоа. Станува збор за сериозна ситуација“, рече тој.

Шест работи што не сте ги знаеле за црвената бура:

  1. Црвените песочни бури може да предизвикаат загадување на воздухот, кое може да достигне „многу високо ниво“ и да предизвика проблеми со дишењето. Здравствените работници предупредуваат дека прашината може да ги иритира белодробните патишта и да предизвика влошување на астматичните состојби.
  2. И покрај тоа што не е здрава за луѓето, прашина од Сахара може да биде од корист за животната средина. На дрвјата и растенијата во амазонската џунгла им е потребна прашината богата со хранливи состојки, бидејќи им помага да се задржи оваа област плодна.
  3. Научниците, исто така, ја поврзуваат прашината од Сахара со болеста на коралните гребени. Коралните гребени во Карипскиот регион се во состојба на намалување од 1970 година. Американските научниците од Центарот за крајбрежна геологија – US Geological Survey (USGS) Centre for Coastal Geologyсметаат дека ова намалување на гребените на Карибите е резултат на патогени кои се пренесени преку прашината од Северна Африка.
  4. Облаци од прашина буквално можат да го претворат морето од сино во црвеникаво-кафеаво, преку поттикнување на растот на морските алги или феноменот познат како црвена плима. Токсичните цветови биле и се одговорни за помор на риби, морски цицачи и птици во минатото и денес. Тие, исто така, може да имаат влијание врз здравјето на луѓето и да предизвикаат респираторни проблеми кај оние кои живеат во близина на брегот.prashinata-od-sahara-predstavuva-seriozen-alarm-za-bolnite-od-astma_image1
  5. Облаците од прашината од Сахара се често толку големи, што може да се видат и од вселената. Членови на вселенските станици честопати пријавуваат огромни облаци, како распространета атмосферска магла.
  6. Облаците од прашина може да се вивнат високо и до 4,5-5 километри и да се транспортираат над Атлантскиот Океан. Научниците откриле дека прашината од Сахара влијае на нивото на врнежи сè до Калифорнија, поради топлиот, сувиот и правливиот слој на воздух познат како Сахарски воздушен слој.
Прочитајте:  Научете за женските хормони за да ги разберете жените

Споделете со пријателите!