antibiotici-vo-tek-na-bremenost_image
Споделете со пријателите!

Драги идни мајки, ве уверуваме дека е безбедно да земаате одредени антибиотици за време на бременоста.
Новите истражувања откриле дека децата родени од мајки кои земале антибиотици имаат мал зголемен ризик да бидат примени во болница со инфекција, помеѓу раѓањето и 14-годишна возраст.

Кога сте бременa, вие споделувате се со вашето малечко кое расте во вас! Кислородот и исхраната доаѓаат до вашето бебе преку плацентата. Лековите што ги земате, исто така, можат да се пренесат и на вашето бебе. Повеќето лекови се сосема безбедни за вас, но постои шанса некои од нив да му наштетат на вашето бебе додека е во развој.

Сепак, не е невообичаена употребата на лекови за време на бременоста. Ако имате бактериска инфекција додека сте бремени, можеби ќе биде потребно да земете антибиотик, како што е амоксицилин, за лекување на инфекцијата.

Амоксицилин е лек кој се користи за лекување на одредени видови на бактериски инфекции, особено при состојби како синузит, воспаленија на уво, пневмонија и инфекции на уринарниот тракт.

Што треба да знам за безбедноста на амоксицилинот за време на бременоста? Кои се можните несакани ефекти што лекот може да ми ги предизвика?

Амоксицилинот се смета за лек од категорија Б спрема Американската администрација за храна и лекови (ФДА). Тоа значи дека се смета за безбеден да се земе во тек на бременоста. ФДА ја додели оваа категорија да им помогне на лекарите да разберат дали амоксицилинот може да предизвика дефекти при раѓање кога го земаат бремени жени. Овој лек поседува низок ризик во кој било триместар од бременоста.

„Најчеста грешка која се прави со антибиотиците е престанувањето на земање на лекот кога ќе се чувствувате подобро.“

Доколку имате соодветна индикација за негова примена, ќе започнете да се чувствувате подобро неколку дена по третманот со амоксицилин. Земете го лекот точно онкаа како што е наведено од вашиот лекар. Не треба да ги прескокнувате дозите. Најчеста грешка е да престанете да го земате лекот доколку се чувствувате подобро. Бидете сигурни дека сте го завршите целиот курс на лекување. Ако не го земете како што е насочено, вашата инфекција може да се врати или уште полошо, да не биде доизлечена. Ова исто така може да предизвика резистентност (отпорност) на амоксицилин. Тоа значи дека лекот не може да делува кога постои силна потреба за лекување на слична инфекција што може да ја имате во иднина.

Прочитајте:  Редовен преглед на дојки и редовен гинеколошки преглед - Кога и зошто?

Не грижете се!

Некои антибиотици знаат да предизвикаат тешка дијареја. Затоа е потребно со секој антибиотик, да се зема и пробиотик. Оптимална временска разлика меѓу антибиотик и пробиотик е 2 часа. Ако имате водена дијареја два или три пати или повеќе на ден најмалку два дена, или ако имате грчеви во стомакот, веднаш повикајте го вашиот лекар. Можеби имате втора инфекција која може да биде многу опасна за време на бременоста. Нетретираните инфекции во бременоста може да бидат многу сериозни и да доведат до предвремено породување и други сериозни здравствени проблеми како за мајката така и за бебето.

Запомнете!

Само антибиотици можат да излечат инфекција, но внимателно. На жените секако треба да им се даваат антибиотици само ако во бременоста е дијагностицирана инфекција, а не за секоја кашлица или настинка.


Споделете со пријателите!