Анемија – причини и симптоми

Исхраната е од големо значење во третманот против анемија

Анемијата е состојба на недостаток на црвени крвни клетки (или недостаток на хемоглобин). Во тој случај, мал број на еритроцити содржат малку хемоглобин, поради што транспортот на кислородот до органите како што се мозок, срце, мускули, е смалена. Затоа кога сте анемични чувствувате ментална и физичка слабост. Кога е бројот на еритроцитите смален, срцето работи побрзо за да го компензира недостатокот на кислородот, т.е. со поголемо протекување на крвта да го надомести недостатокот на кислородот во крвта сиромашна со еритроцити.

Постојат повеќе типови на анемија:

Мегалобластна анемија – предизвикана од недостаток на витамин Б12 или фолна киселина. Оваа форма на анемија понекогаш се јавува во бременоста.
Пернициозна анемија – резултат на недостатокот на супстанција неопходна за апсорпција на витаминот Б12. Најчесто се изложени луѓе со крвна група А.
Апластична анемија – последица на намалена количина или непроизведување на еритроцити кои се причина за оштетување или неактивност на коскената срцевина.
Српеста анемија – го добила името според нејзиниот облик, црвените крвни клетки со форма на срп. Се јавува кај луѓето од африканско потекло и обично почнува да се развива во детството.
Хемолитична анемија – предизвикани од предвремено распаѓање на црвените крвни клетки, кое може да е последица на употребата на одредени лекови или инфекција.
Наследна анемија – има различни причини, но се јавува поради нарушување во производството на хемоглобинот, кој се јавува кај луѓето родени на Медитеранот, Блискиот Исток и земјите на Јужна Азија.

Причини и симптоми

Причините се различни. Може да се последица на обилно крвавење или оштетување на црниот дроб и слезината при акумулација на тешки метали, дефицит на витаминот B12 и др. Се забележува и кај мали деца кои се хранат само со млеко, во кое има дефицит на железо. 

Симптоми на анемијата се: аритмија на срцевата работа и деградација на ткивата, како последица на намален транспорт и снабдување со кислород.

Крвта е ткиво составено од три типа на клетки – еритроцити (црвени крвни клетки), леукоцити (бели крвни клетки) и тромбоцити (крвни плочки). Еритроцитите содржат црвен и со железо богат протеин – хемоглобин (Hb), кој е преносител на кислородот од белите дробови до сите мускули и органи во нашиот организам. Нормален живот и нормално функционирање е невозможно без кислород.

Природни додатоци во исхрана

Витамин B12

Витаминот B12 е неопходен за спречување или лечење на анемија. Овој витамин вообичаено се наоѓа во протеините од животинско потекло, особено во месо како што се бубрезите или џигерот. Постојат, секако и други извори на храна каде што се наоѓа овој витамин, како што се млечните производи кои исто така содржат B12. 

Цвекло

Цвеклото е од голема помош во лечење на анемијата. Сокот од цвекло содржи патасиум, фосфор, калциум, сулфур, јод, железо, бакар, јаглехидрати, протеини, масти, витамините Б1, Б2, Б12, ниацин и витамин Е. Со неговиот високо застапен процент на железо, цвеклото помага во формирањето на црвените крвни клетки. Сокот од цвекло ја зајакнува моќноста на телото од отпор и се докажа како одличен лек против анемија, особено кај децата и тинејџерите, каде другите лекови откажаа во нивната способност.

Рогата детелина

Листовите од рогата детелина помагаат за формирање на крв. Приготвените листови треба да се земаат од адолесценти, особено девојчиња за спречување на анемија, која може да се појави поради почетните фази на пубертет и менструалниот циклус. Семето од рогатата детелина се исто така корисни за лечење од анемија, бидејќи се богати со железо.

Марула

Марулата е уште еден ефикасен лек за ова заболувања и содржи определено количество на железо. Може да се употребува како тонична храна за анемијата. Железото од марулата, лесно се апсорбира во телото.

Спанаќ

Ова лисесто растение е корисен извор на железо. По неговата апсорпција, таа помага во формирањето на хемоглобин и црвени крвни клетки. Така, е корисна во изградбата на крвта, и во превенцијата и третманот против анемија.

Соја

Сојата е богата со железо и исто така има висока протеинска вредност. Кај повеќето пациенти на анемија вообичаено страдаат и од слаба дигестија, и затоа нив треба да им се дава во многу слаба форма, особено во форма на млеко, кое може лесно да се дигестира.

Бадеми

Бадемите содржат бакар до 1.15 мг на 100гм. Бакарот заедно со железото и витамините, делуваат како каталисти ви синтезата на хемоглобинот. Бадемите се затоа корисен лек за анемија. Седум бадеми треба да се потопат во вода околу два часа и да се сомелат во вид на смеса по отстранувањето на нивната црвена лушпа. Смесата треба да се зема еднаш дневно наутро, во период од три месеца.

Семе од сусам

Црното семе од сусам, кое е богат извор на железо, е мошне корисно против анемијата. По потопувањето една кафена лажичка во топла вода на неколку часа, семето треба да се сомеле и затегне а потоа да се промеша со шолја млеко и да се заслади со кафеав шеќер или обичен шеќер. Таквата емулзија треба да се дава на пациентите кои патат од амнезија.

Мед

Медот е значаен во изградбата на хемоглобин во крвта. Ова пред се се должи на железото, бакарот и магнезиумот кои се наоѓаат во медот.

Останата храна

Постои и друга храна која е богат извор на железо и може полезно да се употребува кај третман за амнезија. Најважни се бананите, црното грозје, сливите, јагодите, сувото грозје, кромидот, тиквата, морковот, ротквите, целерот и доматите.

Диететска важност

Исхраната е од големо значење во третманот против анемија. Рефинираната храна како лебот, белиот ориз, шеќерот и десертите го ограбуваат и така веќе потребното железо на телото. Железото треба да се зема во природна и органска форма од исхраната. Нагласувањето на диетата треба да биде кон свежиот зеленчук и свежото овошје кое е богато со железо.

Пациентот треба да започне терапевтски третман со екслузивен внес на овошје во својата диета во период од пет дена, земајќи три оброка на ден од свежо и сочно овошје. Ова може да биде проследено со овошна и диета од млеко во период од петнаесет дена. Кај овој вид режим на исхрана, зачестеноста на оброците треба да биде иста како кај претходната диета од овошје. Потоа, пациентот постепено треба да ја накачува исхраната со добро избалансирана диета, која се состои од семки, ореви, бадеми, лешници, житарки, зеленчук и овошје.

Oстанати мерки

Купките со ладна вода се препорачуваат кај анемијата. Пациентот треба да применува ладни купки внимателно двпати на ден, а студенилото на водата треба да се зголемува постепено. Врела купка од Епсом сол во период од пет до десет минути еднаш неделно и привремена купка со пареа се мошне корисни кај анемијата. Капењето на сонце е особено полезно затоа што сончевата светлина го стимулира производството на црвени клетки. Други важни фактори кои помагаат за лечењето на анемијата се длабокото вдишување и неинтензивните физички вежби како што е пешачењето. Јогата асанас како што е сарвангасана, пашимотанасана, и шавасана, пропратени со масажа се сметаат дека даваат голема помош на овој поглед.

Дијагноза

Лекарите утврдуваат постоење на анемија преку разговор со пациентот за неговите тегоби (анамнеза), преглед на болниот и преку крвната слика. Крвната слика денеска се работи со современи автоматизирани анализатори кои даваат информација за бројот на еритроцитите (RBC), леукоцитите (WBC)-со диференцијална слика на поединечни фракции на леукоцитите, потоа бројот на тромбоцитите (PLT), вредноста на хемоглобинот,(Hb), хематокритот (Hct).
RBC – претставува број на еритроцити (англиски red blood cells). Хемоглобинот означен со скратеницата Hb, се наоѓа во еритроцитите и учествува во преносот на кислородот.

Вашето ниво на хемоглобинот е всушност определената количина на оваа белковина во вашата крв.

Хематокритот или Hct, е процент на црвени крвни клетки во крвотокот. За анемија се смета состојбата кога нивото на Hb и Hct е паднато под нормалните вредности, поради што се јавува пореметување во функцијата на органите и системите со однапред наведените симптоми.

Терапија

Доколку анемијата не се лекува, состојбата може да стане сериозна. Освен тоа ниските вредности на еритроцитите може да водат до дополнителни здравствени проблеми: анемијата може да доведе до преоптоварување на срцето и појава на срцеви тегоби, во обид да го поправи доводот на кислород во ткивата. Анемијата може да ги попречува менталните процеси.

Кога мозокот не добива доволна количина на кислород, се јавуваат потешкотии во процесот на учење, помнење, а подоцна дури и пишувањето, читањето и извршувањето на секојдневните активности.

Доколку анемијата долго трае или симптомите се влошуваат може сериозно да го загрози вашето здравје. Пристапите во лекувањето се различни и многу зависат од причината на анемијата. Поради тоа, после констатирањето дека боледувате од анемија, најважно е да се открие нејзината причина. Тоа е можно со стручна помош на лекарот кој одредува стратегии на лекување како што се промена на навиките во исхраната или примена на соодветни лекови. Не се препорачува анемијата да се лекува на своја рака, односно без контрола на лекарот.