Иако претставува природна состојба, тоа не значи дека бесот е здрав
Лутината е најчесто манифестација на скриен и потиснат срам или лично незадоволство. Некогаш бесот дава чувство на контрола, емоција од која се станува зависен, па така, ова однесување не се променува, туку се продлабочува. Иако е природна состојба, никако не значи дека гневот е здрав односно корисен. Барем не во големи колични. Доколку бесот ви дава чувство на контрола, не е ни чудно што не можете да ја контролирате лутината. Човечките емоции а особено деструктивните, често создаваат зависност од нив, тврдат психолозите.
Од каде доаѓа бесот?
Најчесто, бесот е манифестација на лично незадоволство. Може да имате успешна кариера, но лоши емотивни односи и постојано чувство дека не сте доволно добри, што резултира со постојана негативна самокритика. Ова е скриен бес, насочен навнатре, додека бесот кон надвор, се манифестира со расправии и прекумерно нервозно однесување. Лутината може да биде и резултат од потребата за внимание. Во зависност од околностите, ова може да биде корисна стратегија. Но сепак, постојат мноштво други начини да работите на себе, отколку едноставно да сакате да го привлечете вниманието кон себе преку негативни емоции. Лутината го поттикнува чувството на супериорност или потценување на другите, однесување зад кое стои незадоволството и несигурноста од сопствените квалитети.
Од една страна, лутината е деструктивна кога станува збор за лични односи, но од друга страна е добра како одбрамбен механизам. Поточно, кога се чувстувате ранливо и повредено, лутината буквално ви помага да преживеете. Бесот ја прикрива емотивната болка предизвикана од емоции кога човек се чувствува игнориран, неважен, обвинет, виновен, недоверлив, одбиен, беспомошен, недоволно сакан.
Психолозите доаѓаат до парадоксално решение: иако го нарушува внатрешниот мир, бесот ни помага да се смириме. Но чувството на лутина знае да зароби и да резултира со пасивност, затоа не треба да се дозволи да биде доминантна емоција. Важно е да не се препуштите на бесот, туку е потребно да се биде искрен кон себе. Сепак, лутината е дел од нас, потребно е само искрено препознавање и работење на себе, односно нејзина трансформација во позитивна емоција.
