Децата кои мора да примаат одредена терапија, често пати знаат да прават проблеми со земањето на истата. Дали поради страв од загушување со таблетите, поради нивната големина и форма или поради страв од непријатниот вкус или едноставно поради инает – еве неколку трикови за да ги надитрите
Болните деца често пати се инаетчии и одбиваат да го консумираат лекот кој им е потребен, па дури и кога знаат дека истиот ќе им помогне подобро да се чувствуваат. Кога се работи за малите деца, апчињата и капсулите најчесто се тешки за проголтување, додека пак течните лекови вообичаено имаат горчлив вкус. Неодамнешна студија потврди дека 50% од децата имаат проблеми со проголтувањето на пилулите со стандардни големини.
1. Започнете што е можно порано
Многу е полесно да ги научите малите деца да ги проголтуваат таблетите, пред да започнат да имаат страв од нив. Децата коишто се плашат од апчињата, всушност се плашат од големината на апчето, да не се загушат со него. Треба убаво да им објасните на децата дека грлото е способно да проголта многу поголеми нешта од апчињата, како на пример што се големите залаци храна кога јадеме. Најсоодветно е кога децата ќе ги научите да не се плашат од апчињата уште кога се на 4-5 годишна возраст – пред да се развие стравот.
2. Бидете им пример
Децата имаат тенденција да ги папагалираат своите родители. Покажувајќи им на децата дека проголтувањето на потребниот лек во форма на апче не е воопшто тешко и страшно – ќе го намали и сузбие нивниот страв. Наједноставен начин е на детето да му објасните дека треба да си замисли дека проголтува парче храна.
3. Маскирајте го лошиот вкус – сокријте го лекот
Многу деца наместо апчињата да ги голтнат веднаш, непотребно ги чуваат во устата. Тоа доведува лекот да започне да се раствора и да почувствуваат грозен горчлив вкус, па затоа го плукаат лекот. Ова доведува детето постојано да ги одбива лековите.
За жал многу од течните лекови и сирупи, исто така немаат убав вкус
Решение за овој проблем е да го прикриете лошиот вкус од лекот со храна, доколку истиот лек не мора да се прима на празен желудник. Може да се обидете на пример со помош на сладолед или пак, било која друга храна во којашто лекот може да се сокрие, без да биде пронајден од страна на децата.
Треба да имате пред вид дека доколку јазикот е изладен, многу е потешко да го почувствува непријатниот вкус од лекот. Доколку детето треба да прими лек што е во течна состојба со непријатен вкус, може да го измешате исто така со храна, доколку лекот смее да се зема со храна. Друг начин е детето најпрво да изеде сладолед за да се излади јазикот, па потоа дајте му/ѝ го лекот. Доколку немате сладолед при рака, може да изладите лажица во замрзнувачот и детето да ја држи на јазик неколку минути, па потоа без проблем ќе може да му го дадете лекот.
[interaction id=”55e44c0dd126414f210f58ae”]Доколку лекот дозволува, можете да го издробите и помешате со храната ако детето има страв од самата форма на апчињата
Речиси секој вид на храна кој има цврста конзистенција може да се користи за прикривање на лековите. Пред земањето на горчливите медикаменти, може на децата да им дадете да лижат лижавче. Лижавчињата не се здрава закуска, меѓутоа тие можат да ви помогнат да им го дадете лекот на децата. Тие имаат силен вкус, кој ќе го неутрализира горчливиот вкус од лекот. Можете исто така лекот да го вбризгате со помош на шприц во некакво колаче.
Не заборавајте на детето да му дадете некаква течност за време и по земањето на лекот.
Ова ќе му помогне на детето да го проголта апчето, а воедно потешко ќе го почувствува непријатниот вкус. Течноста е многу важна за полесно разградување на лекот во организмот и за спречување на оштетувања на желудникот. За некои лекови потребна е само мала количина на пијалак, додека за други треба да се испие повеќе.
Секој успех заслужува награда!
Откако ќе успеете да го надитрите детето, препорачливо е да го наградите со вкус што детето го сака. На овој начин секое земање на лекот ќе биде за него/неа позитивен предизвик, бидејќи ќе знае дека секоја послушност е наградувана.
Како правилно да се земаат витамини
