Работата во нашето секојдневие
Сè почесто сме соочени да гледаме млади луѓе кои изгледаат уморно, со предвремено остарена кожа и темни кругови под очите. Во современиот начин на живот, моторната и сетилната активност се видно намалени. Нашите сетила се преплавени со огромна доза на надворешни дразби, полето на нашата визија е пренатрупано со различни и постојано променливи слики, додека пак сетилото за слух постојано е оптоварено со звуци кои нè збунуваат. А, се од горенаведното го бара нашето постојано внимание. Нашите сетила не се дизајнирани за толкава доза на дразби кои постојано пристигаат кон нас. Сето тоа наше секојдневие е еден од одговорите на прашањето, зошто современиот живот е толку стресен. Тоа покажува дека не живееме во сегашноста, дека постојано сме со планови, предвидувања на идината или пак сеќавања од минатото. Освен тоа, ова значи дека многу ретко обрнуваме внимание и сме „будни“ за она што ни се случува непосредно во околината или пак на активноста што во моментот ја извршуваме. Нашата свесност е постојано зафатена со мисли, така да што и да правиме никогаш не сме 100% во тој момент.
Модерното живеење и претрупаноста со секојдневните обврски, наметнува да легнуваме во доцните ноќни часови, а приморани сме се порано да стануваме од спиење.
Што значи недостатокот на сон?
Дали мислите дека современиот начин на живот, каде што поголемиот дел од денот го поминуваме пред компјутер, без сон, јадеме неизбалансирана исхрана, загадувањето на воздухот како и пушењето, влијае негативно врз здравјето и надворешниот изглед?
Најновите научни студии спроведени од страна на истражувачи од Универзитетот Стони Брук во Њујорк, покажале дека во 90 проценти од случаите на модерен живот, особено стресот предизвикува канцерогени болести кај луѓето. Според истражувањето, лошата исхрана, недостатокот на вежбање, стресот и загадувањето, се главните фактори кои придонесуваат за рак на белите дробови, дојката и простатата.
Справувањето со стрес можеме да го започнеме со разбирање на самата ситуацијата, која што претставува емоцинален поттикнувач.
Престанете да размислувате и почнете со работа!
Ако се чувствувате преплавени од тоа што имате толку многу работа што не знаете од каде да почнете, или пак се наоѓате во ситуација кога ги избегнувате обврските, тогаш престанете да размислувате и само почнете со работа. Најпрвинн составете си листа на обврски, поставете си приоритети и само започнете. Чекор по чекор. Штом исполните една од задачите, пречкртајте ја како завршена, наградете се себеси и започнете ја следната.
Ако мислите дека избегнувате некоја поголема задача, растурете ја на помали делови и посавете приоритети.
Концентрирајте се на вашето дишење со помош на анти-стрес вежба
Доколку некоја личност или лоша ситуација постојано ве доведува во состојба на стрес и чувствувате анксиозност, најдобро што можете да направите во тој момент е да започнете да се концентирате на вашето дишење. Подолгото дишење применувајќи го овој начин може да биде исто така добро и за обновување на енергијата во вашето тело во текот на вашиот работен ден преполн со безброј обврски.
Кога ќе се разбудите добро истегнете се. Затворете ги очите и концентрирајте се на вашето дишење околу пет минути. Со ваква анти-стрес вежба може да го намалите ризикот од срцеви напади, да ги ублажите последиците од стресот, да ја подобрите циркулацијата и да додадете неколку години живот. Еден од најдобрите моментални смирувачи на стрес е свесното дишење. Доколку чувствувате дека сте под стрес, коцентрирајте се на вашето дишење и правете го ова неколку пати во денот за да Ви помогне да останете смирени. Дишете стомачно, чувствуајќи го стомакот како се шири и собира додека броите до седум. Броите ги секундите на вдишување и издишување додека да изброите до седум. Доколку некоја личност или ситуација Ве вознемирува, започнете свесно да дишете се додека лошите чувства не поминат. Подолгото дишење на овој начин е исто така добро за обновување на енергијата во телото во текот на денот преполн со обврски.
Не заборавајте и трудете се исто така, секогаш да наоѓате прилика да останете во движење!
