bronhitis-kaj-deca-rizik-faktori-posledici-terapija_image
Споделете со пријателите!

Бронхитисот може да биде краткотраен – акутен или долготраен – хроничен.
Бронхитисот е воспаление на големите дишни цевки (бронхи) во белите дробови. Болеста може да биде краткотрајна (акутна) или долготрајна (хронична). Акутен бронхитис значи дека симптомите често се развиваат брзо и не траат долго. Повеќето случаи се благи. Акутниот бронхитис најчесто е предизвикан од вирусна инфекција. Исто така може да биде предизвикана од бактерии или нешта како што се прашина, алергени, силни гасови или чад од тутун. Кај децата, најчеста причина за акутен бронхитис е вирус. Болеста може да се развие по вирусна инфекција во носот, устата или грлото (горниот респираторен тракт). Ваквите болести можат лесно да се шират од директен контакт со лице кое е болно. деца кои имаат поголеми шанси да развијат акутен бронхитис се оние кои имаат: хроничен синузитис, алергии, астма, децата со хипертрофични (зголемени) тонзили и аденоиди и оние деца кои се изложени на пасивното пушење. Ова се најчестите симптоми на акутен бронхитис: Сува или кашлица исполнета со мукус, повраќање или гадење, течење на носот, често пред да започне кашлица, преоптовареност на градниот кош или болка, омалаксаност, треска, болка во грбот и мускули, воспалено грло. Овие симптоми често траат 7 до 14 дена. Но, кашлицата може да трае и 3 до 4 недели. Целта на лекувањето е да помогне во олеснувањето на симптомите. Третманот вклучува: антипиретици за треска и блага болка, муколитици, внес на повеќе течности и одмор. Се препорачуваат инхалации со физиолошки р-р и муколитик заради разредување на густата и вискозна слуз во дишните патишта , намалување на локалното воспаление и спречување на појавата на бактериски биофилм.

„Ако воздухот во просторијата на вашето дете е сув, обавезно влажнете го со овлажнувач“

Еве неколку совети на што треба да се обрне внимание кога детето има бронхитис. Влажнете го воздухот. Ако воздухот во просторијата на вашето дете е сув, овлажнувач или испарувач може да го навлажнува воздухот и да го олесни кашлањето. Бидете сигурни да го задржите навлажнувачот чист за да го спречите растот на бактериите. Друг начин за влажнење на воздухот е да се направи топол туш или бања во купатило и нека се загрее во собата. Вашето дете нека седи во соба околу 15 минути како ќе му се помогне и олесни соодветно кашлање. Потрудете се детето да биде исправено. Да се ​​биде во исправена положба обично го олеснува дишењето. За да спречите дехидрација, дајте му на вашето дете поголема количина на течности. Вашето дете може да пие побавно од вообичаено, поради конгестијата. Пробајте капки со солена вода да се намали конгестијата, Одржувајте ја атмосферата без чад. Чадот може да ги влоши симптомите на респираторните инфекции.
 

Прочитајте:  Што треба да знаете за употребата на антидепресиви кај децата?

Д-р Илија Тимовски, специјалист педијатар


Споделете со пријателите!