Повеќето промени во спиењето поврзани со возраста се јавуваат пред 60-тата година, вклучувајќи ги и времето потребно за заспивање, коешто не се зголемува многу со текот на животот.
Една од најчестите и најизразени промени во спиењето кои доаѓаат со стареењето е честото будење во текот на ноќта. Најверојатната причина е некој вид на физичка непријатност, како што е потребата да се отиде во тоалет или да се промени положбата на телото.
Дополнително, повеќето промени во спиењето поврзани со возраста се јавуваат пред 60-тата година, вклучувајќи ги и времето потребно за заспивање, коешто не се зголемува многу со текот на животот. Други промени кои се дел од нормалниот тек на стареење вклучуваат помалку спиење воопшто и трошење помалку време во фазата на брзо движење на очите (РЕМ). Овие промени можат да се разликуваат доста од еден до друг човек и општо тие влијаат повеќе на мажите отколку на жените.
Можеби нема да можете да го промените начинот на кој природниот ритам на вашиот сон се менува со текот на годините. Сепак можете да пробате некои едноставни техники за ограничување на причините коишто ги предизвикуваат промените на вашето спиење и со тоа да го подобрите квалитетот на вашиот сон.
Совети за подобрување на сонот
Лекови и суплементи
Прегледајте ги лековите и суплементите коишто ги користите и консултирајте се со вашиот доктор за можни промени во нивната употреба кои можат да влијаат позитивно на квалитетот на вашиот сон.
Течности
Престанете да консумирате течности во рок од два часа пред легнување за да го намалите станувањето за во тоалет.
Болка
Доколку одредена болка во телото ве буди во текот на ноќта разговарајте со вашиот лекар за да проверите дали некои лекови може да ви помогнат. Иако ова можеби нема да го спречи честото будење, можеби ќе ви помогне за полесно повторно заспивање.
Светлина
Чувајте ја собата во којашто спиете што е можно потемна. Ова вклучува ограничување на светлата од телевизорот, компјутерскиот екран и мобилните уреди. Светлината го нарушува природниот ритам на спиењето.
Кофеин
Ограничете го внесот на кофеин, особено околу осум часа пред спиење.
Алкохол
Избегнувајте алкохол непосредно пред спиење – иако алкохолот може да ви помогне да заспиете, откако организмот ќе започне да го исфрла, тој ќе ве тера почесто да се будите во текот на ноќта.
Дневен одмор
За да одржите квалитетен циклус на спиење, ограничете го дневното одморање на само 10 до 20 минути. Ако сметате дека попладневните одмори ве прават помалку поспани пред спиење и ви го отежнуваат заспивањето навечер, целосно избегнувајте ги.
Стремете се да го одржувате спиењето на од седум до осум часа секоја ноќ. Ако имате слаб и неквалитетен сон без оглед на преземањето на овие чекори или сте уморни или поспани во текот на повеќето денови, разговарајте со вашиот лекар.
