Енкопорезата може да биде фрустрирачка за родителите – и срамно за детето. Најбитно е да се знае дека детето не може да го контролира ова, и дека е потребна трпеливост и позитивно однесување
Encopresis или фекална инконтиненција означува завалкување на долната облека, заради ненамерно испуштање на фекална содржина. Вообичаено тоа се случува кога фекалната содржина се насобира во дебелото црево и ректум. Причината за оваа појава најчесто е констипација. Дебелото црево станува преполнето, а течната столица буквално протекува околу задржаната столица, кое води до боење на долната облека. Ваквото задржување на столицата може да предизвика оток (дистензија) на цревата и губење на контролата над празнењето на дебелото црево.
Енкопрезата обично се јавува после 4 годишна возраст, кога детето веќе научило да користи тоалет. Во повеќето случаи, оваа појава е симптом на хронична констипација. Многу поретко се јавува без запек и може да биде резултат на емоционални проблеми.
Енкопорезата може да биде фрустрирачка за родителите – и срамно за детето. Најбитно е да се знае дека детето не може да го контролира ова, и дека е потребна трпеливост и позитивно однесување. Третманот за енкопореза обично е успешен со комбинирана употреба на лаксативи и психотерапија доколку е неопходно.
Симптоми
Знаците и симптомите на енкопрезата може да вклучуваат:
- Истекување на столица или течна столица на долната облека, што може да се измеша со дијареа,
- Запек,
- Избегнување на актот кој води до ослободување на содржината од дебелото црево. (заради болката која ја предизвикува),
- Долги временски периоди помеѓу две празнења на дебелото црево,
- Недостаток на апетит,
- Стомачна болка,
- Проблеми со дневно мокрење (енуреза),
- Чести инфекции на мочниот меур, обично кај девојчиња,
Кога да се побара помош од лекар ?
Доколку вашето дете веќе е обучено за извршување на навиките за тоалет и почнува да доживува еден или повеќе од симптомите наведени погоре.
Причини за развој на енкопореза може да се повеќе вклучувајќи запек и емоционални проблеми.
Запек
Повеќето случаи на енкопреза се резултат на хронична констипација. При запек, столицата на детето е цврста и самото елиминирање од дебело црево може да биде болно. Како резултат на тоа, детето избегнува да оди во тоалетот – што го прави проблемот поголем.
Колку подолго столицата останува во дебелото црево, толку е потешко детето да се отиде во таоалет. Дебелото црево се растегнува, што во крајна линија влијае на нервите кои сигнализираат кога е време да се оди во тоалет. Кога дебелото црево станува премногу полно, може да дојде до насобирање на мека или течна столица околу задржаната столица и губење на контрола за празнење на дебелото црево.
Некои од причините за појава на констипација вклучуваат:
- Задржување на столицата поради страв од користење на тоалетот (особено кога детето се оддалечува од дома) или затоа што столицата е болна. Затоа е потребно да се охрабрува детето да оди во тоалет веднаш штом почувствува потреба за празнење на дебело црево,
- Не сакајќи да ја прекинат играта или други активности децата свесно го одлагаат чинот на одење во тоалет,
- Внесување мала количина на храна која содржи влакна,
- Не пие доволно течности,
- Пиење премногу кравјо млеко или, ретко, заради интолеранција кон кравјо млеко – иако резултатите од истражувањето се контарадикторни по ова прашање,
- Емоционални проблеми,
- Емоционален стрес може да предизвика енкопореза. Детето може да доживее стрес од: Предвремена, тешка или конфликтна обука за тоалет,
- Промени во животот на детето, како што се промени во исхраната, промени во навиките за одење во тоалет, почнување со училиште или промена на распоредот,
- Емоционални стресови, на пример, развод на родителите или раѓање на брат или сестра.
Фактори на ризик
Енкопорезата е почеста кај момчињата. Следните фактори се познати како фактори на ризик и може да ги зголемат шансите да детето има енкопореза.
- Користење на лекови кои можат да предизвикаат запек,
- Нарушување на вниманието – (АДХД),
- Пореметувања од аутистичен спектар,
- Анксиозност или депресија.
Компликации
Детето кое има енкопреза може да доживее голем број емоции, вклучувајќи срам, фрустрација, срам и гнев. Ако вашето дете е подбивано од пријатели или критикувано и казнувано од возрасни, тоа може да се чувствува депресивно или да има пониска самодоверба.
Превенција
Подолу се дадени неколку стратегии кои можат да помогнат да се спречи енкопорезата и нејзините компликации.
Избегнувајте запек
Помогнете му на вашето дете со обезбедување избалансирана исхрана што е висока со растителни влакна и поттикнувајте го да пие доволно вода.
Применувајте ефективни техники за обука за одење во тоалет
Едуцирајте се на ова прашање. Избегнувајте да почнете премногу рано или да бидете премногу строги во вашите методи. Почекајте додека вашето дете не е подготвено, а потоа користете позитивен пристап.
Започнете рано со третман на енкопореза
Раниот третман, вклучува консултација со педијатар или професионалец за ментално здравје. Потребно е да се открие и елиминира влијание од социјален и емоционален аспект. Доколку е потребно може да се употребат и лаксативи кои се безбедни за употреба во детска возраст.
