Што треба а што не треба да јадете и пиете кога сте болни

Експертите велат дека додека одредена храна кога се соочуваме со настинка или грип може навистина да ни помогне да оздравиме побрзо, додека друга може ја влоши состојбата и да го забави оздравувањето

Во деновите кога се бориме против настинка или вирус, храна и пијалак не се првите нешта коишто ни доаѓаат на ум. Тегобите и малаксаноста секојпат нè прават безволни и сè што сакаме во моментот е да лежиме под топлата прекривка и да гледаме филм. Но внесувањето витамини и минерали токму во овие денови е многу важно.

На оваа тема експертите велат дека одредена храна и пијалаци во периодот кога сме болни или настинати може навистина да ни помогне да оздравиме побрзо, додека друга да ни одмогне и го забави оздравувањето. Оттука, во зависност од симптомите на настинката или вирусот и тегобите со коишто се соочуваме, експертите вообичаено нè советуваат што треба да јадеме и пиеме. Што е она што препорачуваат да се јаде и пие во случај на болно грло, кашлица, дијареа, болни мускули на телото?

Дијареа

Во случај на дијареа предизвикана од стомачен вирус или оброк, гастроентерологот Џејмс Ли од болницата Joseph Hospital во Калифорнија, САД, советува:

Препорачлива храна и пијалаци:
Диетата позната како Brat (банани, ориз, двопек и свеж сок од јаболко), како и варени компири, овесни снегулки, печена кокошка или мисирка без кожа.
Непрепорачлива храна и пијалаци:
Кофеин, којшто може да предизвика поинтензивна дијареа и дехидратација, колачиња или бонбони што содржат сорбитол или други вештачки засладувачи бидејќи тешко се варат и можат да предизвикаат дијареа, храна што создава гасови и надуеност, вклучувајќи ги кромидот, брокулата, гравот и зелката, како и млечни производи и алкохол.

Во потешки случаи на дијареа што трае подолго од две недели и е придружена од дехидратација, треска, повраќање и тешки втроглавици, посоветувајте се со вашиот лекар.

Констипација или запек

Констипација може да се случи кога не се внесува доволно овошје и зеленчук, како и интегрални житарици богати со растителни влакна коишто го стимулираат варењето на храната. Др. Џејмс Ли советува дека возрасните е потребно да внесуваат помеѓу 25 и 30 грама растителни влакна во текот на еден ден.

Препорачлива храна и пијалаци:
Интегрален леб богат со растителни влакна, бадеми, грав, сливи, брокула, круша, јаболко, ленено семе, како и од 6 до 8 чаши вода во текот на секој ден.
Непрепорачлива храна и пијалаци:
Чоколадо, млечни производи, суплементи на железо. 

Стомачни тегоби 

Кога сме болни и чувствуваме мачнини, мирисот и вкусот на секоја храна ни делува непривлечно и одбивно. Во овие случаи гастроентерологот Џејмс Ли препорачува мали и лесни порции храна.

Препорачлива храна и пијалаци:
Јадете повеќе солени крекери, перек, двопек и житарици и пијте чај од лимон или ѓумбир што ќе ви помогнат во справувањето со мачнините.
Непрепорачлива храна и пијалаци:
Секоја мрсна и зачинета храна, како и кофеин, алкохол и газирани пијалаци може да ги влошат тегобите.

Кашлица, суво и болно грло

Кога се справуваме со кашлица или болно и суво грло, одредена храна и пијалаци може да помогнат во олеснување на непријатностите, додека други да предизвикаат надразнетост на грлото. Авторката на книгата The Little Book of Thin и основачка на Foodtrainers советува:

Препорачлива храна и пијалаци:
Комбинација од млак чај од нане, којшто има анелгетски и анестетски дејства и мед, којшто има смирувачки дејства. Исто така, се препорачува лесна и кашеста храна, како крем-супа, пудинг, пире, јогурт и кајгана.
Непрепорачлива храна и пијалаци:
Многу топли течности и тешка, солена и зачинета храна, како чипсови,  јаткасти плодови и сл. можат да го надразнат грлото и да ја влошат кашлицата. Исто така, соковите од кисели овошја и зеленчуци, меѓу кои лимон и портокал можат да го иритираат сувото грло.

Болки во мускулите

Според Кристин Артур, интернист на Orange Coast Memorial Medical Center во Калифорнија, САД, храната и пијалаците што содржат магнезиум или калциум може да помогнат во намалувањето на раздразнетоста и болката во мускулите.

Препорачлива храна и пијалаци:
Храна што содржи магнезиум (бадеми, банани, грав, авокадо и зелен зеленчук), како и храна што содржи калциум (сливи, урми, портокали, киви).
Непрепорачлива храна и пијалаци:
Секоја храна и пијалак што го дехидрира телото може да ја влоши болката во мускулите, особено алкохолот и кофеинот.

Главоболка

Дехидратацијата една од основните причини за главоболка, оттука, Кристин Артур советува дека за да се третира главоболката, најпрво треба добро и здраво да се хидратира телото.

Препорачлива храна и пијалаци:
Пиење на големо количество вода и други течности се задолжителни при појава на главоболка. Иако е познато дека кофеинот го дехидрира телото, неговата консумација во мали дози може да помогне при главоболка, сè додека по внесената доза се внесе еднаква доза вода.
Непрепорачлива храна и пијалаци:
Вештачки засладувачи, сини сирења што содржат тирамин, црвено вино, сушено овошје и храна што содржи МНГ (мононатриум глутамат), односно засилувач на вкус кој најчесто го има во замрзнатите зеленчуци, сосови, мешани зачини, чипсови и колачи. Тираминот го зголемува крвниот притисок што може да предизвика главоболки, додека МНГ може негативно да влијае на мозочните невролошки патишта.

Затнат нос и отежнато дишење

Настинката, грипот или инфекција може да ги иритираат крвните садови во носот што ќе предизвикаат затнатост и отежнато дишење. Во овие случаи пожелно е да се прави инхалација и да се топла бања и да се внимава на исхраната.

Препорачлива храна и пијалаци:
Рецептот за подготовка на „Златно млеко“, односно млеко со куркума, ѓумбир, бибер и мед е познато по своите антиифламаторни дејства што помагаат во лекувањето на затнат нос и тешко дишење.
Нерепорачлива храна и пијалаци:
Зачинетата храна, млечните производи и храната што содржи шеќери може да ги влошат симптомите на затнатост и отежнато дишење.