Споделете со пријателите!
Превенцијата и навремената дијагноза се најдобар начин за намалување на заболувањата на тироидната жлезда а токму тоа е главната цел на одбележување на овој ден
Денес е Светски ден на тироидна жлезда, кој се одбележува по деветти пат. Овој ден за прв пат започнува да се одбележува во 2008 година, со цел да се промовира поголема свест за заболувањата предизвикани од нарушената функција на тироидната жлезда. Превенцијата и навремената дијагноза и лечење, претставуваат најдобар начин за намалување на бројот на овие заболувања, и токму затоа информираноста е клучна.
Во Македонија, веќе од понеделникот, започна кампањата „Виолетов Караван 2016“, со цел да се подигне свеста помеѓу граѓаните за заболувањата на тироидна жлезда. Оваа кампања се одржува во склоп на одбележувањето на Меѓународната недела за подигање на свеста за тироидната жлезда во период од 23 до 29 мај 2016 година.
Поради нарушување на тироидните хормони, доаѓа до забавена работа на метаболизмот и намалување на телесната температура. Чести симптоми кои што укажуваат на проблеми со штитната жлезда се: груба и отечена кожа, забавени реакции и исцрпеност, промена на апетитот и вкусот на храната, незаинтересираност за секс, нередовни менструални циклуси, болки во мускулите, висок крвен притисок, опаѓање на косата, висок холестерол, несоница.
Споделете со пријателите!
