origami-kako-inspiracija-za-hirurski-instrumenti-video_image
Споделете со пријателите!

Кога инженери ќе спојат оригами и 3Д печатење, се добива нов хируршки изум
Оригами е традиционална јапонска вештина за правење уметнички фигури со виткање на хартија, а нејзина најпозната форма е Оризуру – вид на штрк. Според јапонската традиција, доколку се направат 1 000 оризуру и се поврзат заедно, се верува дека можат да излечат човек од болест или повреда. Ова верување станува научна вистина, односно факт, овозможен од страна на група научници од универзитетот „Бригхам Јанг“. Станува збор за хируршка опрема од областа на роботска хирургија, метод на оперирање кој сè повеќе се употребува, а од неодамна и во Македонија.

Најновиот хируршки изум е мал, прецизно испечатен инструмент во 3Д техника, инспириран од оригами техниката.

origami-kako-inspiracija-za-hirurski-instrumenti-video_image1Создавањето на што помали инструменти, е со цел да се прават многу мали хируршки резови кои лесно ќе зараснуваат, за да нема потреба од додатно шиење, употреба на конци и појава на лузни. Освен тоа, малите димензии овозможуваат далеку поефективни оперативни зафати. Научниците соработуваат со компанијата која го произведува хируршкиот систем „Да Винчи“, робот кој оперира со долги танки раце и изведува бројни операции, па така, доколку краевите на тие раце се помали, се овозможува подобра и попрецизна изведба. Со овој изум, роботската хирургија има можност да стане уште помалку инвазивна, и тоа благодарение на оригами техниката. 

Користењето на оригами техниките за да ги направат инструментите помали, како и тестирањето со помош на 3Д верзии на потребниот дел, овозможува широк спектар на движења, што значи голема флексибилност при изведбата. „Овие мали инструменти ќе ни овозможат изведување на многу оперативни зафати, со надеж на работа врз значително мали делови, како што се нервите“, истакнува Спенсер Меглеби – Spencer Magleby, еден од истражувачите на универзитетот.

Ова не е прв пат универзитетот да ги применува принципите на оригами во инженерството.

Истите истражувачи го користеле оригами концептот во нивниот инженерски ангажман за НАСА. Тие истакнуваат дека овој концепт е ист на макро ниво (за изработка на соларни ќелии во вселената) и на микро ниво (најмали можни хируршки инструменти).

Прочитајте:  3Д мини модел на човечки бели дробови – чекор напред кон лекувањето на респираторните болести

За да дознаете повеќе околу овој изум, погледнете го видеото во прилог:


Споделете со пријателите!