Споделете со пријателите!
Здравиот животен стил е главен фактор во живеењето на долг и здрав живот, но новите научни студии потврдуваат дека за долговечност и чувство на среќа и исполнетост, потребно е постојано практикување на хоби
Добро познато е дека хранливата диета, физичката активност и позитивните животни избори и навики допринесуваат постарите лица да се чувствуваат поенергично. Новите истражувања за долговечноста и добриот квалитет на животот покажуваат дека менталната и социјалната активност се исто толку важни како и физичката активност кога станува збор за здраво стареење.
„Имањето хоби, лежерните активности и цврстата социјална инклузија, се многу важни за пензионерите да живеат долго и среќно и да не ја почувствуваат осаменоста.“
Младите луѓе се фокусирани на обезбедување на материјална егзистенција за своето ново семејство и најчесто немаат време да го прават она што сакаат во животот. Пензионерите пак, имаат финансиски средства и многу време, но најчесто ја немаат истата онаа енергија и виталност што ја имале во младоста. Сепак, никогаш не е доцна и постарите лица не треба да се обесхрабруваат, затоа што постојано треба да ја бараат сопствената катарза. Занимавањето со нешто кое ја забавува душата и учењето на нешто ново, ве исполнува со повеќе енергија, го отфрла стресот и на животот му дава смисла.
Споделете со пријателите!
