Проверка на холестеролот и крвна слика
Холестеролот е вид на маснотија која се разнесува низ телото преку крвта. Високи нивоа на холестерол се таложат на артериските ѕидови, што го зголемува ризикот од појава на мозочен удар и срцев удар. Како што луѓето стареат многу е важно редовно да го проверуваат холестеролот и крвниот притисок. Докторите препорачуваат да се обрне особено внимание на холестеролот доколку во семејната историја на пациентот постојат случаи на срцеви болести и мозочни удари, бидејќи двете болести се индикатори за потенцијални проблеми во циркулацијата. Исто така, доколку сте дијабетичари, имате прекумерна тежина и сте пушачи на тутун, вие исто така сте потенцијално загрозени, па затоа треба да се прегледувате почесто. Доколку резултатите покажат дека имате високо ниво на холестерол не треба да ве фаќа паника, бидејќи истото може да се нормализира со промена на режимот на исхрана и внесување на повеќе фитнес активности во својот животен стил. Здравствените организации препорачуваат преглед на секои 4-6 години и тоа на сите лица на возраст од 20 до 79 години, а загрозените групи и почесто.
