Скрининг за рак на дебелото црево
Ракот на дебелото црево е третиот најчест вид на рак во Велика Британија, веднаш по ракот на дојка и ракот на бели дробови. Во 2008, кај скоро 40 илјади луѓе биле дијагностицирани со оваа болест. Постојат и ретки случаи на дијагноза на оваа болест и кај млади луѓе. Осум од десет лица кај кои се појавува рак на дебело црево се над 60 годишна возраст. Доколку во столицата забележите крв, тоа е знак дека треба да се упатите на лекар. Но, сепак со голо око не може да се согледаат малите количества на крв во фецесот, а исто така кај некои луѓе нема никакви симптоми кои би биле знак за појава на оваа болест. Токму затоа испитувањето за рак на дебело црево е многу важно. После 50-тата година од животот и мажите и жените се под ризик од појава на колоректален рак. Според American cancer society прегледите треба да се вршат на секои 5 години.
