Прочитајте кои типови на вежби ќе ви овозможат целокупно здравје
Времето кога Џејн Фонда вежбаше аеробик на видео лента е одамна поминато. Денес се знае дека вежбите треба да се надополнуваат едни со други. Токму затоа, новите фитнес програми се толку популарни – тие се склоп од повеќе видови на вежби. Воедно, со ваквите фитнес програми никогаш нема да ви биде досадно и ќе добиете поголеми резултати за пократко време.
Без оглед кое е вашето фитнес ниво и фитнес целта што сакате да ја постигнете, секој вид на вежби е важен на свој начин и правејќи ги различни видови на вежби, ќе ги подобрите своите резултати и ќе спречите можна повреда. На пример, аеробните вежби се важни за здравјето, но не се ефективни за целокупното здравје. Од друга страна, тренингот за сила ги зацврстува мускулите и помага да се заштитат зглобовите, со што спречува можна повреда од аеробикот.
И аеробното и анаеробното вежбање работат во функција на зголемување на механичката ефикасност на срцето по пат на зголемување на јачината на срцето (аеробно вежбање), или на миосрцевата густина (тренинг за сила). Таквите промени се најчесто корисни и здрави доколку се појавуваат како резултат на вежбањето. Не треба да останете во сала за вежбање за да бидете здрави, треба да знаете што да вежбате. Тренерите и фитнес експертите, ги препорачуваат овие четири типови на вежби за одржување на здравјето.
Аеробни вежби
Аеробните вежби, како велосипедизам, пливање, пешачење, скокање на јаже, трчање, планинарење, се фокусираат на зголемување на издржливоста на кардиоваскуларниот систем. Тие се основата на секоја фитнес програма и се познати како вежби за слабеење. Овие вежби го забрзуваат срцето и можат да го намалат ризикот од кардиоваскуларни заболувања, дијабетес тип 2 и висок крвен притисок.
Тренинг за сила
Тренингот за сила може да биде ефективен како лек за намалување на артритичната болка. Бидејќи може да делува (освен на мускулите) и на цврстината на коскената маса, помага кај жените во постменопауза. Ваквиот тренинг го подигнува нивото на ендорфин, кој ќе направи да се чувствувате одлично. Исто така, тој е и ефективен антидепресив.
Тренинг за рамнотежа
Ваквиот вид на тренинг е особено важен за повозрасните, но делотворен е за секого, од професионални спортисти до бремени жени. Делотворни се бидејќи спречуваат повреди. Таи чи, јога и пилатес, ќе ви помогнат да ја подобрите рамнотежата на телото.
Тренинг за флексибилност
Ваквите вежби помагаат за брзо закрепнување од напорни тренинзи и натпревари и се задолжителен дел од вежбите на спортистите. Вежбите за флексибилност служат за правилно истегнување и може да го подобрат движењето на зглобовите. Се делат на два вида и тоа: вежби за статично истегнување и вежби за динамично истегнување.
