zoshto-prestanavme-da-uzhivame-vo-spontanosta-na-zapoznavanjeto-vo-umetnosta-na-flertot_image
Споделете со пријателите!

Свесни а несвесни! Млади луѓе осудени на депресија и осаменост?
Идентификувана е врската помеѓу зависноста на паметниот телефон и симптомите на депресија и осаменост!

Номофобија – страв од немање на мобилен телефон

Се поголема стапка на млади луѓе, зависни од своите паметни телефони, се изложени на поголем ризик за појава на депресија и осаменост!

Лицата со номофобија имаат потреба од посебно внимание. За чувството на вознемиреност што доаѓа од одвојување од паметен телефон, постои име: Номофобија – буквално, „не-мобилна“ фобија. Тоа е стравот од губење на вашиот мобилен телефон.

Оние кои имаат вистинска зависност од телефон, никако не можат да се ослободат од тие навики.

Кај младите луѓе, зависноста од мобилни телефони е генерално несакан ефект што може да биде главна причина за појава на други проблеми, почнувајќи од социјална изолација, лична фрустрација, незадоволство, па се до недостаток на самодоверба. Номофобијата е присутна во различни степени кај повеќето млади луѓе, така што денес таа веќе се смета за норма, која сигурно ќе има се поголеми социјални последици во наредните децении.

„Зависноста од паметни телефони се поврзува со повисоки стапки на депресија и осаменост“

Мобилните телефони нè поврзуваат со поголемата целина, со светот, со другите, што е секако една од основните потреби на луѓето како социјални суштества. Покрај тоа, тие ни даваат чувство на сигурност бидејќи ни е сè потешко да се снаоѓаме во околината. Како и да е, оваа поврзаност е илузија затоа што не добиваме реални, целосни информации за светот, ниту добиваме вистинска блискост со другите, ниту пак можност за независно справување во нови средини

Најтрагично од се е што се повеќе луѓе и од возрасната популација се навлечени на овој тренд.

Сепак, не е сосема јасно дали потпирањето на паметни телефони им претходи на овие симптоми, или дали обратното е точно: дека депресивните или осамените луѓе веројатно ќе станат зависни од нивните телефони?

Прочитајте:  L’Orèal најавува: сензор за мерење на изложеноста на УВ зраците

Докажано е дека зависноста од паметни телефони предвидува повисоки стапки за појава на депресивни симптоми и осаменост, отколку обратно. Ниту бројните апликации за мерење на време поминато пред малото екранче не може да ја спречат оваа појава.

Свесни а несвесни!

Што е потребно да превземеме?

Поради се побрзиот начин на живот, немањето време дури ни за обична прошетка или кратко еспресо, се наметна потребата од овие смартфони. „Малечките чудовишта“ како што постарите ги нарекуваат, се најголемата причина за појава на осаменост! Кога ги користиме, ние како да влегуваме во поинаков свет во кој сме фокусирани на се освен на градење на подобри меѓучовеки односи. Знаеме кој каде е, со кого бил во парк, каква маичка носел додека го шетал своето куче, што добил за годишнина, како се верил и каде ќе оди утре.

Несомнено, идниот наш чекор треба да се фокусира на подобро разбирање зошто постои тој однос.


Споделете со пријателите!