Зошто некои луѓе се почувствителни на горчливиот вкус од други и дали тоа се должи на гените, диетата, навиките, возраста или нешто друго
Иако повеќето луѓе имаат исти гени за рецепторите за чувството на горчлив вкус во устата, некои сакаат одредени зеленчуци како брокула, додека на други, исти тие им се горчливи. Во 2013 годин, научниците го открија делчето кое недостасуваше во синџирот на оваа загатка. Клучот што ја одредува реакцијата на луѓето кон горчливиот вкус на брокулата, не се состои само во генетскиот состав на луѓето, туку и во тоа како овие гени се насочуваат да направат рецептори за вкус. Студијата е објавена во зборникот „The American Journal of Clinical Nutrition“.
Десет дена се потребни за да се обноват завршетоците задолжени за чувството на вкус на јазикот.
Најпроучуваниот ген за рецептор на горчлив вкус TASR38 се јавува во два типа. Луѓето кои имаат само еден тип може да се или многу чувствителни на горчлив вкус или не го чувствуваат, доколку тој не е навистина силен. Според статистиките, повеќето од луѓето се некаде измеѓу. Во студијата, 18 луѓе со исти гени за горчина го оценуваа нивото на горчливост на неколку пијалаци, вклучувајќи сок од брокула и морков.
И покрај истите гени, постои значително различна чувствителност на горчина.
Истражувачите зеле примероци од ткивото на јазикот на испитаниците, каде што се наоѓаат рецепторите за вкус и ја измериле количината на молекулот наречен „курир“ (messenger) RNA (mRNA), кој содржи инструкции за создавањето на рецепторите за горчлив вкус. Резултатите од студијата ја покажале директната врска помеѓу тоа колку mRNA е присутно во клетките од примероците на испитаниците и нивната оцена за горчливост на сокот од брокула. Се покажало дека сокот бил им бил погорчлив на луѓето кои имаат најмногу mRNA за рецептор на горчлив вкус.
„Количеството на спроводникот RNA што клетките за вкус одбираат да го произведат, може да биде алката што недостасува во објаснувањето зошто некои луѓе со гени на умерени дегустатори сè уште се многу сензитивни за горчина кај храната и пијалаците“ – истакна коавторот, генетичарот Даниел Рид (Danielle Reed) од центарот „Монел“ (Monell Chemical Senses Center).
Наодите од ова истражување, покажуваат ново ниво на комплексност во перцепцијата на вкусот и можат да дадат увид во индивидуалните разлики во преференциите и изборите на храна кај луѓето.
Иако со ова е откриена една мистерија за вкусовите, отворена е нова врата кон нови прашања. „Една од најголемите мистерии е што е тоа што ја предизвикува разновидноста во количеството на произведено mRNA, што може да влијае врз тоа колку горко перцепирате некаква храна и дали тоа се менува со начинот на исхрана или возраста?“ – истакна Џули Менела (Julie Mennella), една од истражувачите. Врската помеѓу исхраната и количеството на произведен mRNA останува нејасна, но истражувачите додаваат дека возможно е јадењето на горки зеленчуци да ја промени генетската експресијата со тек на време.
