zajaknete-go-vasheto-telo-predizvikajte-go-vashiot-um-nauchete-kako-da-se-zashtitete-sebe-si_image
Споделете со пријателите!

Идеален тренинг што буквално може да ви го спаси животот!
„Прифатен од страна на FBI и SWAT, Крав Магата е присутен низ спортските сали ширум целиот свет и нуди тренинг што буквално може да ви го спаси животот.“ -Пренесува магазинот TIME.

Kрав Мага е ефикасен, модерен и динамичен начин за самоодбрана. Тој е дизајниран да може да го практикуваат луѓе на било која возраст. Со помош на оваа техника ефикасно се развиваат вашите вештини, а тоа ќе ве поттикне да научите како да се одбраните себеси додека стекнувате поголема свест подобрувајќи ги вашите инстинктивни рефлекси. Крав Магата или контактна борба како што ја нарекуваат била развиена уште во 1950-тите, комбинирајќи ги најефективните техники од разни боречки вештини во која се искомбинирани боксот, џудото, џуџитсуто и аикидото. Првично била користена од страна на израелската армија, а наставата за цивили започнала во доцните 70-ти години. И денеска Kрав Мага е присутна во цивилна (самоодбранбена) и воена форма.

Изграден врз едноставни принципи, инстинктивни движења и практични техники, динамичниот начин на самодоверба започна како официјален систем за самоодбрана на израелските одбранбени сили. До ден-денес, тој останува омилен меѓу агенциите за спроведување на законот и воениот персонал.

Самоодбрана значи обука под интензивни и вознемирувачки околности. Дел од филозофијата на Крав Магата е дека најдобриот начин да се добие борба е да не се влезе во борба. Кога конфликтот е неизбежен, таа учи како да искористите сè што ви стои на располагање за да ја неутрализирате заканата додека останете смирени под притисок. Оваа сеопфатна цел ги уредува сите други принципи. Добро познат принцип  е ставање акцент на одредени точки на притисок со цел доминација и онеспособување на вашиот напаѓач колку што е можно побрзо. Ако некој го загрозува вашиот живот, ова е добар тренинг за тоа како да се избегне тоа сценарио, притоа совладувајќи ја екцесивната количина на стрес. Не постојат елаборирани кореографии ниту апсолути. Нема униформи и нема традиции. Крав Мага не е тренинг за се започне борба. Со Крав Мага тренингот може да го спасиме сопствениот живот и животот на нашите најблиски. Не е потребно искуство за да започне. На почетокот се учат основните ставови, техниките за паѓање и сигурност, како и основната одбрана против обичните напади. Се учи како полесно да се справите со напад, како подобро да работите под стрес и како да ги применете техниките за свест и превенција помагајќи ви притоа во соочување со проблематични ситуации. Откако ќе ги совладате основите, следен чекор е можноста да се справите со повеќе симултани напаѓачи, оружја, комплицирани ситуации и да се научите на напредни техники на борба и оружје. Ако сакате да бидете во можност смирено да реагирате за време на неочекуваното, важно е да тренирате под стрес. Придружете се и направете го најдоброто.

Прочитајте:  3 Правила за да останете во одлична форма во текот на летото

Без разлика дали сакате да го вратите вашето спокојство, да го пробате новотренингот или да го запознаете вашето дете со хоби што е забавно и корисно за нивниот развој, обуката Krav Maga е вашиот одговор!


Споделете со пријателите!