anksioznost-kaj-decata_image
Споделете со пријателите!

Ако вашето дете се жали на главоболка, болки во стомак, гризе нокти, има потешкотии со спиење голема е веројатноста дека вашиот мал човек носи некое големо бреме на малите рамена
За жал, анксиозноста е проблем со кој се соочуваат и децата – тие, слично на возрасните реагираат различно на стресот, во зависност од индивидуалните особини, вештини за справување и се разбира, од возраста.

Кога станува збор за анксиозност кај децата, најмалите не можат да ги објаснат своите чувства, додека поголемите можат со точност да опишат проблем, иако не постои гаранција но повозрасните можат повеќе да го споделат проблемот со мама и тато.

Во повеќето случаи, стравот, вознемиреноста и стресот кај децата се менуваат или исчезнуваат со возраста. На пример, кај дете кое доживува анксиозност од разделба адаптацијата во градинка е тешка, често се забележува и парадоксален ефект при што тие деца многу брзо прават своја социјална мрежа во училиште со цел да си обезбедат сигурност. Откако родителите ќе одредат дали анксиозноста со кој нивните деца се соочуваат, е привремен, или е длабоко вкоренет, тие треба да најдат начини да им помогнат на малите суштества да се справат со стресот и загриженоста.

Знаци за анксиозност кај децата

Промените во однесувањето или темпераментот се предупредувачки знаци кои ќе ви укажат дека вашето дете можеби чувствува стрес и чувства кои се вознемирувачки. Некои од општите знаци вклучуваат:

  • Поплаки од стомачна болка или главоболка;
  • Проблеми со спиење или потешкотии во концентрирање;
  • Промени во однесувањето – расположение, и израз на нервоза;
  • Креирање на штетни навики – како што е гризење на нокти;
  • Неподготвеност да одат на училиште или да ги исполнуваат домашните задачи.

Чести причини за стрес во детството

Изворот на анксиозност и стрес кај децата може да биде надворешен, како што се проблеми во училиште, семејни проблеми или конфликт со пријател. Но изворот може да биде и внатрешен, кој често е последица на премногу голем притисок од страна на родителите и наставниците кога се очекува премногу и се прави споредба со резутатите на други деца.

Големи промени во семејството

Ова главно се однесува на стрес заради специфични семејни ситуации како што се развод, смрт, преселување, па дури и раѓање на брат или сестра. Овие сеизмички промени можат да го разнишаат светот на детето и да го свртат наопаку. Ваквите специфични ситуации може комплетно да го разнишаат чувството за сигурност на малиот човек и да го натераат да се чувствува збунето и вознемирено.

Прочитајте:  БХП: Фармаколошки третман или хируршка интервенција

Преголеми ангажмани во секојдневниот живот

Ако сте го запишале своето дете на повеќе активности паралелно, курсеви за јазици, спорт, танци итн. стресот е неизбежен, особено ако вашето дете е од типот деца кои имаат потреба од повеќе одмор и време во кое нема да прават ништо односно ќе играат.

Самонаметнат притисок

Многу деца кои се амбициозни може да се чувствуваат вознемирени поради стравот од неуспех и желбата да бидат најдобри во училиште за да бидат „популарни“ и им се допаднат на другите.

Стресот предизвикан заради конфликт во училиште

Несогласување, озборување или конфликт со други деца е извор на голем стрес – особено за децата од основно образование. Дури и ако детето не е директно изложено на малтретирање од страна на соучениците, желбата да остане во групата на „популарните“ може да влијае силно стресно.

Страшни вести

„Страшен филм, книга, измислени приказни, исто така, може да бидат тригер за појава на анксиозност.“

Вести за природни катастрофи, тероризам и насилство може да го вознемират и да предизвикаат стрес кај детето. Тоа почнува да се грижи дека може да му се случи нешто лошо на него или на луѓето што ги сака. Страшен филм, книга, измислени приказни, исто така, може да бидат тригер за појава на анксиозност. Иако секое дете реагира различно најдобро што може да направиме како родители е да го ограничиме достапот до филмови, книги, видео игри или медиуми кои не се со адекватна содржина. Најважно од се е да имаме во предвид дека анксиозноста децата ја соматизираат како физичка болка, и секогаш кога ќе се појави главоболка, болки во стомак да помислиме на веројатноста дека можеби постои проблем од ваква природа и да разговараме со малиот човек за да може да превземеме адекватни мерки.


Споделете со пријателите!