zabludi-vistini-za-narushuvanjata-vo-ishranata_image
Споделете со пријателите!

Приготвувањето месо на висока температура може да го зголеми ризикот за висок крвен притисок
Една нова студија препорачува да се обрне поголемо внимание при готвењето на месото, откако утврди дека редовното внесување на месо и риба приготвено на високи температури може да го зголеми ризикот од висок крвен притисок.

Всушност, висок крвен притисок или хипертензија се појавува кога крвниот притисок во артериите е висок. Оваа состојба може да го зголеми ризикот од мозочен удар, срцев удар и срцеви заболувања.

Нема сомнеж дека нездравата исхрана е главен фактор на ризик за хипертензија. Голем број претходни студии ги открија многуте потенцијални штети од конзумирање на месо коешто е варено на висока температура. Една студија објавена во дневникот „Medical News Today“ минатата година откри консумирањето на месо коешто е пржено, чадено или печено на скара може да го зголеми ризикот за смрт кај луѓето коишто биле излекувани од рак на дојка за 23 отсто. Дел од истражувањата ги поврзуваат и храната зготвена на високи температури со поголем ризик од срцеви заболувања.

Наодите од новата студија, сепак, укажуваат на тоа дека не е само видот на храната што ја јадеме оној што влијае врз нашиот крвен притисок, туку и начинот на којшто ја приготвуваме истата.

Истражувањето беше спроведено од д-р Ганг Лиу и неговиот тим од Катедрата за исхрана во Средното училиште „Harvard T.H. Chan School of Public Health“ во Бостон, Масачусетс. Целта на студијата  била да се утврди дали температурата или начинот на коишто се зготвени месото и рибата, односно колку добро се зготвени (малку печени, препечени и сл.), можат да влијаат на крвниот притисок.

Методи на готвење и крвен притисок

„Кај луѓето кои претпочитаат месото да биде повеќе печено, ризикот од хипертензија е зголемен за 15 отсто“

Истражувачите анализирале податоци од 32.925 жени кои биле дел од студијата „Nurses’ Health“, 53.852 жени кои учествувале во студијата „Nurses’ Health II“ и 17.104 мажи кои биле дел од студијата „Health Professionals Follow-Up“. За секоја студија биле собрани информации за тоа колку месо и риба консумирале испитаниците секој месец, како и како бил начинот на приготвување на храната и степенот на зготвеност.

Прочитајте:  Корисноста и широката примена на лененото семе

На почетокот никој од учесниците немал висок крвен притисок, дијабетес, кардиоваскуларни заболувања или рак. По периодот на просечно следење на учесниците во студијата од 12 до 16 години, вкупно 37.123 учесници развиле хипертензија.

zabludi-vistini-za-narushuvanjata-vo-ishranata_image1Тимот откри дека испитаниците кои јаделе говедско месо, пилешко месо или риба коишто биле приготвени на скара, пржени или печени во рерна на висока температура најмалку 15 пати секој месец имале 17 отсто поголеми шанси да развијат висок крвен притисок од оние кои ја консумирале оваа храна помалку од 4 пати месечно.

Меѓу учесниците коишто претпочитале месото да е повеќе печено, ризикот од хипертензија е зголемен за 15 отсто, во споредба со оние коишто претпочитале месото да е помалку печено.

Хетероциклични амини и хипертензија

Во оваа студија, тимот истражувачи, исто така, ги проценувал и нивоата на хетероциклични ароматични амини што ги консумирал секој испитаник. Имено, хетероциклични амини се потенцијално штетни соединенија кои се произведуваат кога месото се готви на високи температури.

Откриено е дека учесниците кои консумирале повисоки нивоа на хетероциклични амини имале 17 отсто поголем ризик од висок крвен притисок, во споредба со оние кои консумирале пониски нивоа од овие соединенија.

Всушност, студијата открива дека врските помеѓу хипертензијата, начинот за готвење, температурата на готвење и степенот на испеченост на месото не зависеле од видот и количеството на храната што ја консумирале испитаниците.

Објаснувајќи ги можните механизми зад нивните наоди, Лиу вели дека хетероцикличните амини и други хемикалии произведени од готвење на високи температури може да доведат до оксидативен стрес, воспаление и отпорност на инсулин – состојби што можат да го зголемат ризикот од хипертензија.

Додека ова истражување не може да докаже причина и ефект, тимот препорачува дека за да се намали крвниот притисок, можеби вреди да се проба да се промени начинот на којшто ги приготвуваме месото и рибата.


Споделете со пријателите!