Доколку сте љубители на Цезар салата, тогаш овој рецепт многу ќе ви се допадне
Направете Цезар салата во облик на сендвич и добијте одличен лесен ручек. Освен тоа, во овој рецепт има и рецепт за подготовка на домашни лепчиња, односно земички.
Домашни земички
Растворете ги шеќерот и квасецот во водата, додајте ги млекото, маслото, солта и 3 шолји брашно. Измешајте ги убаво со дрвена лажица или со миксер со додатоци за тесто. Постепено додајте го остатокот од брашното, додека не се добие мазно тесто. Измесете го тестото убаво (најлесно е со миксер). Премачкајте го со масло, покријте го садот со влажна крпа и оставете го нарасне околу 1 час. Поделете го тестото на пола и едната половина исечете ја на 9 еднакви дела. Обликувајте ги во цилиндри долги десетина сантиметри и наредете ги во големо тавче врз хартија за печење. Покријте ги со влажна крпа и оставете ги повторно да нараснат, 40 – 60 минути. Направете го истото и со другата половина тесто. Или пак, оставете ја во фрижидер, во покриен сад, може да стои 2 – 3 дена, и испечете уште земички или нешто друго друг ден. Пред печењето, премачкајте ги земичките со јајцето и посипете ги по желба. Печете во рерна загреана на 200°C околу 15 – 20 минути.
- 2 лажици шеќер;
- 2 лажици сув квасец;
- ½ шолја млака вода;
- 2 шолји млако млеко;
- 2 лажици масло;
- 2 лажички сол;
- 6 – 7 шолји брашно (може да измешате сенаменско и органско интегрално брашно);
- за премачкување: 1 јајце изматено со 1 лажица вода;
- афион, сусам, крупна сол.
*(излегуваат 18 земички)
- пилешки стекови;
- цезар сос;
- домати;
- авокадо;
- сланина.
Подготовка на сендвичот
Испржете ги стековите во грил тавче, со сол, бибер и суво оригано. Испржете ја и сланината на шпорет, во микробранова или во рерна. Кога лепчињата малку ќе се оладат, наредете ги сите состојки, стекот обилно прелијте го со цезар сосот, доматот посипете го со малку сол и бибер и уживајте во сендвичот.
* рецептите со во целост преземени од ситно сецкано
