За целосно уживање во летото внимавајте што јадете
Во летните денови е неопходно многу да се внимава на храната која секојдневно се консумира. Исто така, таа треба соодветно да се подготвува и да се складира за да не дојде до несакано труење со храна, кое може да направи сериозни проблеми во организмот. На телото во лето му се потребни помалку калории отколку во зима, што е дополнителна причина да се избегнува масна храна и храна која тешко се вари.
Намирници кои треба да се избегнуваат:
- Млечни преработки и преливи на база на мајонез, бидејќи многу брзо се расипуваат;
- Плодови како лешници, бадеми, ореви, бидејќи се доста калорични, тие дополнително го загреваат телото;
- Месо. Лесно се расипува на високи температури, го зголемува крвниот притисок, а поради;
- Животинскиот протеин што го содржи, дава чувство на вознемиреност;
- Газирани, вештачки засладени и многу ладни пијалоци. Тие дополнително ќе ве дехидрираат;
- Тесто, сосови и пржена храна;
- Јајца;
- Алкохолни пијалоци, поголеми количини на кафе и напитоци кои содржат кофеин, како кока кола.
Со јадењето сезонска храна се прави рамнотежа на организмот со околината. Освен тоа, сезонската храна има најинтензивен вкус, свежа е, и поседува високо количество на витамини, минерали и останати важни нутритиви.
Еве кои намирници треба да се консумираат во што поголеми количини:
- Вода. Многу вода. Се препорачува дневен внес на 2 до 3 литри вода, во зависност од физичката активност;
- Свежо сезонско овошје и зеленчук. Тие се богати со многу антиоксиданси. Се препорачува најмногу да се консумираат лубеница и праска од овошјата, а од зеленчукот крставици, домати и пиперки;
- Зрнеста храна: грав, грашок, пченка,боранија;
- Производи од интегрални житарици заради хранливите влакна што ги содржат.
Начини како најдобро да се заштитите од труење
Се препорачува да не се купуваат намирници од отворени тезги кои се поголемиот дел од денот на сонце, туку од добро снабдени марктети каде што храната не стои долго и каде лесно расипливите производи се чуваат на соодветна темература. Јадењето треба да се консумира веднаш по приготвувањето и да не се остава подолго да стои на собна температура за да не се развијат штетни микроорганизми. Приготвувајте и јадете помали оброци за да не го претоплувате еднаш направениот оброк.
