Сега е вистинско време за вакцинација!
Четворовалентната вакцина од Санофи Пастер е новa вакцина која содржи два вида на вируси од типот А и два вида на вируси од типот Б. Во светот, овој вид на четирикратна заштита се користи веќе неколку години и значително ја зголемува отпорноста на вирусот на грип!
Лекарите велат дека сега е вистинско време за вакцинација, бидејќи се потребни две до четири недели за да се развие потребниот имунитет!
На телото му се потребни две до четири недели да создаде антитела, така што вакцината нè штити четири недели по приемот. Видовите вируси што ќе влезат во вакцината против грип секоја година детално се утврдени од страна на Светската Здравствена Организација врз основа на континуирано нивно следење.
Вирусите во состав на вакцината создаваат имунитет со инјектирање на многу мали количини на умртвени форми на вирусот во организмот. Внесениот вирус му издава наредба на имунолошкиот систем да генерира антитела. Најдоброто време за вакцинирање е ноември или првата половина на декември. Вакцината се дава само еднаш годишно, освен кај деца под 9 годишна возраст кои примаат две дози.
Покрај ранливите групи, како што се постарите лица и хронично болните, вакцината против грип се препорачува и за здрави луѓе на возраст меѓу 20 и 50 години, бидејќи тие се најчестите носители на оваа инфекција! Имунизација против грип се препорачува и за деца постари од шест месеци.
Грипот претставува сериозна болест и меѓу 300.000 и 500.000 луѓе умираат ширум светот годишно од компликациите на оваа вирусна инфекција. Бремените жени, малите деца, постарите лица и хроничните болни се изложени на посебен ризик.
Грипот може да се пренесе додека заразено лице зборува, кашла или кива. Луѓето во нивна близина ги вдишуваат тие капки. Капките стигнуваат и до рацете, лицето, облеката и другите работи што се користат, што е исто така и главен начин за ширење на инфекцијата.
Битно е да се разликува грипот од обичната настинка!
Настинката претставува лесна болест на дишните патишта која може да трае најмногу неколку дена, додека грипот трае најмалку 7 дена, а често може да трае и подолго. Кај здрави луѓе без придружни хронични заболувања, грипот обично трае 3-4 дена, но исто така знае да биде исклучително сериозна болест придружена со бројни компликации како пневмонија, односно воспаление на дишните патишта.
Можни несакани ефекти?
Повеќето луѓе не искусуваат никакви проблеми од вакцината, но кај некои може да се појави блага треска и да почувствуваат замор. Исто така, знае да се појави болка, црвенило или оток на местото каде биле боцнати. Овие проблеми не се сериозни и се краткотрајни.
Сериозни несакани ефекти е многу ретка појава! Доколку се случи, тоа е во рок од неколку минути до неколку часа. Повикајте го вашиот лекар веднаш ако имате проблеми со дишењето, гушење, се чувствувате слаби или имате вртоглавици или подолго време имате забрзано чукање на срцето.
Честото и темелно миење на рацете со топла вода е клучно за да се задржи грипот подалеку. Запомнете, грипот го шират луѓето кои се веќе заразени.
