Најголем број случаи на заболени од мали сипаници минатата година беа регистрирани во Украина (53.218 случаи), а вториот највисок број беше регистиран во Србија (5.076 случаи).
Според Светската здравствена организација (СЗО), поддржувачите на антивакцинацијата коишто шират содржини што се базираат на неосновани податоци во голема мера виновни за неинформираноста на луѓето и глобалниот пораст на случаи на заболени од вирусот на мали сипаници или морбили, како и на други вируси кои се спречуваат со вакцини.
Податоци за Европа
Помеѓу 2017 и 2018 година, пријавените случаи на заболени од мали сипаници во Европа се зголемија тројно, со вкупно 82.596 случаи во овој период. Според СЗО, ова е најголем број случаи на заболени лица во изминатава деценија. И покрај подобрувањето на стапките на прифаќање на вакцинацијата низ светот, СЗО смета дека ова сè уште не е доволно за да се спречи ширењето на вирусна инфекција во некои земји.
Најголем број случаи на заболени од мали сипаници минатата година беа регистрирани во Украина (53.218 случаи), а вториот највисок број беше регистиран во Србија (5.076 случаи). Дополнително, Украина доживеа остар пад на стапките на вакцинација во текот на изминатата деценија. Околу 90 отсто од случаите на заболени од мали сипаници во Европа припаѓаат на десет нации, вклучувајќи Израел (2919 случаи), Франција (2913 случаи), Италија (2517 случаи), Русија (2256 случаи), Грузија (2203 случаи), Грција (2193 случаи) Албанија (1466 случаи) и Романија (1087 случаи). Во Велика Британија, минатата година имаше 953 случаи на заболени од мали сипаници.
Зголемувањето на бројот на случаи на заболени од мали сипаници, исто така, има влијание врз зголемување на стапките на смртност. Минатата година се регистрирани 72 смртни случаи поради мали сипаници во Европа што покажа нагло зголемување на 42 случаи пријавени во текот на претходната година.
Д-р Зсузсана Јакаб, регионален директор на СЗО за Европа, истакнува: „Сликата за 2018 јасно ни кажува дека сегашното темпо на напредок во зголемувањето на стапките на имунизација нема да биде доволно за да се спречи циркулацијата на морбилите. Додека податоците покажуваат исклучително висока покриеност со имунизација на регионално ниво, тие, исто така, го одразуваат рекордниот број на заболени и починати од оваа болест. Ова значи дека сè уште постајат дупки на локално ниво коишто се отворена врата за вирусот“.
Податоци за други нации
На Филипините се регистрирани над 1500 случаи на заболени од морбили и 26 смртни случаи поради мали сипаници во последните неколку недели. Од овие, 441 заболени и 5 смртни случаи се регистрирани во метрополитенската област на главниот град – Метро Манила, велат властите.
Секретарот за здравство, Франсиско Дуке, смета дека ниските стапки на вакцинација на Филипините би можеле да бидат одговорни за порастот на заболени и починати од мали сипаници. Тој објасни дека откако владата ја започнала и нагло ја прекинала програмата за вакцинација на Денгваксија во 2016 година (експериментална програма за вакцинација од денга со фармацевтска компанија Санофи Пастеур), се појавил скептицизам во врска со спречувањето на болести со вакцина. Ова довело до пад на стапките на вакцинација, при што невакцинирани деца бројот минатата година изнесувал повеќе од 100.000. Доминго ги повика родителите и старателите дека вакцините против мали сипаници се безбедни и дека се користат во светот веќе со децении.
