Дознајте повеќе за УВА и УВБ зраците и штетата што може да настане како резултат на овие зраци
Летното сонце може да биде голем проблем ако не знаеме колкава штета може да нанесат УВ зраците. Добивањето на темен тен е целта на многумина, но безбедното потемнување без изгореници, пеги, брчки, прерано стареење на кожата или останати кожни заболувања треба да ни биде на прво место. Ако сакаме да се сончаме на здрав начин, најпрво треба да дознаеме што е можно повеќе за УВ зрачењето и видот на УВ зраци.
УВ зрачење
УВ (УлтраВиолетовите) зраците се невидливи за човековото око. За разлика од видливата сончева светлина која можеме да ја видиме и сончевата топлина која можеме да ја почувствуваме, УВ зраците не можат да се видат. Ваквите зраци може да прават оштетувања на кожата без ние да сме свесни за тоа. Постојат неколку вида на УВ зраци и тоа: УВА, УВБ и УВЦ зраци. Ултравиолетовото зрачење може да биде причина за многу кожни заболувања вклучувајќи го и ракот на кожата. Тоа може да ја оштети клеточната ДНК на кожата, што придонесува за појавата на рак на кожата.
УВ зрачењето може да се измери преку индекс на УВ зрачење кој ја мери јачината на УВ зраците во вашата област на живеење преку едноставна скала од 1 до 11+. Ако индексот е помал од 3, тогаш не е потребна посебна заштита од сончевите зраци, освен ако сте во близина на површини кои ја рефлектираат светлината (како на пример снег). Ако индексот е 3 или над 3 тогаш изложеноста на сонце може да биде штетна за кожата и потребна е соодветна заштита од сонце.
УВ зраците се најсилни помеѓу 10 и 16 часот во текот на денот, и во пролет и лето во текот на годината. Луѓето што живеат во земјите каде што грее сонце во текот на целата година се соочуваат со поголем ризик од кожни заболувања како резултат на зголеменото УВ зрачење. Како што се оддалечуваме од екваторот така силината на УВ зраците се намалува. УВ зрачењето е поголемо на повисоките места. Облаците не можат целосно да ги блокираат УВ зраците и да го спречат штетното зрачење. Сепак, некои видови на облаци блокираат дел од УВ зраците и го намалуваат зрачењето, а постојат и такви кои ги рефлектираат зраците и го зголемуваат штетното УВ зрачење. Површините како снегот, песокот, водата и тревата исто така ги рефлектираат УВ зраците и придонесуваат за зголемено УВ зрачење.
УВА зраци
Долгите УВА зраци претставуваат околу 95% од УВ зрачењето. Овие зраци се послаби од УВБ зраците, но се повеќе застапени во целокупниот спектар на УВ зраци. Интензитетот на УВА зраците е ист за време на дневната светлина во текот на целата година и истите можат да се
УВА зраците се главните „виновници“ за добивање на темен тен на кожата. Меѓутоа, добро е да се знае дека темниот тен е всушност обид на самата кожа да се заштити од понатамошни оштетувања на клеточната ДНК кои можат да прераснат во рак.
УВБ зраци
Интензитетот на УВБ зраците зависи од годишното време, местото на живеење и времето во текот на денот. Најголемата застапеност на овие зраци е помеѓу 10 и 16 часот во текот на денот, од Април до Октомври. Меѓутоа, УВБ зраците можат да предизвикаат изгореници или други оштетувања на кожата во текот на целата година, особено на високи места или ако се наоѓаме близу до површини кои ја рефлектираат светлината (снег, мраз, итн.). Околу 80 % од УВБ зраците се рефлектираат и како резултат на тоа два пати ја погодуваат кожата. За разлика од УВА зраците, УВБ зраците не се пробиваат низ стакло.
[interaction id=”559baac99831cbaa21439476″]УВЦ зраци
УВЦ зраците се најкратките и најсилните УВ зраци кои не се пробиваат подалеку од озонската обвивка. УВЦ зраците не навлегуваат во атмосферата и не се причинители на рак на кожа.
Следната недела прочитајте повеќе за штетата која може да настане како резултат на УВ зрачењето и како да се заштитиме од истото.
