trite-najchesti-tipovi-prokrastinatori_image
Споделете со пријателите!

Ако прокрастинацијта предизвикува низа проблеми и го претвора животот во кошмар од пропуштени рокови, непроспиени ноќи и заморни расправии, тогаш првиот чекор кон надминување на оваа непријатна навика е да дознаете зошто се однесувате токму на овој начин
Постојат илјадници причини зошто одложуваме непријатна или тешка работа за подоцна. Наместо да го завршиме важниот проект одеднаш решаваме да прочитаме нова книга, во јуни да купуваме совршен Божиќен подарок или да бараме рецепти за банана торта, иако сме на диета. Прокрастинацијта може дури да се замени со продуктивност – реорганизирање на бирото во канцеларија или правење на здрав, но веројатно непотребно комплициран сендвич за појадок. Хроничното одложување е тешко да се надмине, бидејќи во суштина вклучува одредена количина на самоизмама. Прокрастинација-процес во кој индивидуата го одложува завршувањето на обврските.

Одложувањето нè тера да кажеме:

  • „Јас ќе го сторам тоа подоцна“;
  • „Уморен сум, ми треба пауза“;
  • „Завршив некоја работа, сега е време да се наградам со пауза за напорната работа“;
  • „Имам доволно време“.

Всушност ние сите сме многу свесни што правиме, но наоѓање на доволно мотивација да го напишеме есејот или да ги завршиме извештаите, се судира челно со сосема логичните изговори за одложување на задачите за потоа. Ако прокрастинацијта предизвикува низа проблеми и го претвора животот во кошмар од пропуштени рокови, непроспиени ноќи и заморни расправии, тогаш првиот чекор кон надминување на оваа непријатна навика е да дознаете зошто се однесувате токму на овој начин. Затоа е време да дознаете кој тип на прокрастинатор сте.

Тип 1: Прокрастинатор кој бега

„Јас ја одложувам задачата за да ги избегнам непријатните и негативни емоции кои ги доживувам додека ја вршам таа задача“. Стрес, несигурност и вознемиреност.

„Не да ја избегнеш задача, туку негативните чувства што ги предизвикува нејзиното вршење.“

Првиот тип е пример за класична прокрастинација. Овие луѓе не ја избегнуваат самата задача, туку негативните чувства што ги предизвикува нејзиното вршење. Некои од нас го одложуваат стресниот или високо-ризичниот ангажман, како што се учење за испитите или пишување на свадбен говор. Звучи логично – бидејќи стресот и напнатоста кои ги чувствуваме кога ја вршиме задачата не тераат да размислуваме на стресот и напнатоста, и за сите начини на кои може да не успееме, па наместо тоа избираме да ги изгледаме сите филмови од серијалот на „Војна на ѕвездите“. Така барем моментално ги отстрануваме досадните и несакани мисли и емоции.Хроничното одложувањето може да е на релативно ниско ниво – не сме испратиле некаква честитка, едноставно само заради тоа што не знаеме што да напишеме.

Се разбира, кога станува збор за вакво одложување нема големи последици, но ефектот од прокрастинацијта може да е колосален – можно е да сакаме да постапиме во универзитет, но да поминат години во одложување, само затоа што не сме сигурни што точно сакаме да учиме или како да го започнеме процесот за аплицирање. Вистината е дека дури и ако сте успешен прокрастинатор, одложувањето не го отстранува целосно непријатното чувство. Дури и кога ја гледате вашата омилен епизода од серијалот „Војна на ѕвездите“ или кога ги правите и јадете вашите омилени колачи, вие сепак продолжувате да чувствувате како вината, напнатоста и анксиозноста се креваат постепено во вашата глава.

Прочитајте:  Лекови или козметички третман - лек за „машките“ влакна кај жените

Тип 2: Оптимист

„Јас одложувам затоа што потценувам колку долго ќе потрае процесот на извршување на задачата“. Оптимистите потценуваат колку време имаат или ги преценуваат своите способности. Во најдобар случај, таквото однесување може да се смета како прекумерна самодоверба. Но, за оние од нас кои морале да чекаат или се разочарани од овој тип прокрастинатор, всушност изгледа како заблуда.

  • „Ќе потрае само неколку минути“;
  • „Не грижи се, јас ќе го сторам тоа“;
  • „Морам да раздигнам пред да излезам, нема да задоцнам“.

Оптимистите одлучуваат дека можат да ги завршат сите шопинг активности за време на празниците во последните три дена пред Божиќ. Сепак, времето минува и тие се наоѓаат закаснети, неподготвени и премногу посветени.

За овој тип одложувачи, всушност има позитивна страна.

Овие луѓе најчесто се активни прокрастинатори знаат дека работат најдобро под притисок, но имаат реална претстава за времетраењето на периодот за завршување на задачата – дури и ако тоа е еднакво на непреспиени ноќи со бокал кафе и маратонско неспиење цела ноќ. Токму заради тоа, овие луѓе на некој начин намерно ја одложуваат задачата до последен момент. Ако навистина мислите дека можете да работите оптимално брзо и ефикасно кога сте притиснат од рокови, тогаш активното одложување всушност може да ве извлече.

Тип 3: Трагач на задоволство

„Јас одложувам затоа што не сакам да го направам она што се очекува од мене“.

Ако се самоопределувате како лик кој припаѓа повеќе на луѓето кои сакаат да уживааат во работите кои им носат задоволство и не сте во оние кои се екстремно трудољубиви, тогаш влегувате во оваа група.

Сепак ретко кој од нас некогаш не пиел сок директно од шише или не гледал досадна емисија на телевизија, само затоа што му се чинело премногу заморно да го земе далечинскиот управувач и да го смени каналот. Меѓутоа, понекогаш, потрагата по задоволството оди подалеку од она што е дозволено. Овој тип прокрастинатор игра, се релаксира и генерално прави сè друго, но не е она што треба да го направи. Во многу од случаите некој друг се наоѓа кој ќе ја заврши работата на овој тип прокрастинатор, но заради ова однесување овие ликови добиваат епитет „мрзливец“.


Споделете со пријателите!