Блефароспазмот започнува како зголемено трепкање на очите и може да напредува сè до целосно затворање на очните капаци.
Треперење на очите, спазам на очните капаци и блефароспазам се термини што се однесуваат на три различни состојби на очите. Секоја од овие состојби е одделна, не е поврзана со останатите и се појавува заради различни причини.
Абнормалното треперење на очните капаци, познато под медицинскиот термин миокимија влијае само врз очниот капак, а не на целото око. Миокимијата може да се појави само на едно око и може да го зафати горниот или долниот капак. Трепкањето на окото обично исчезнува за кратко време, но може да се повтори по неколку часа, денови или по подолг период. Блефароспазмот започнува како зголемено трепкање на очите и може да напредува сè до целосно затворање на очните капаци.
Причини за треперење на очите
Треперењето на окото и спазмот на очниот капак може да бидат предизвикани од:
- Алкохол;
- Пушење цигари;
- Силна светлина;
- Големо количество кофеин;
- Замор;
- Стрес;
- Иритација на површината на очите или внатрешните очни капаци;
- Физички напор;
- Пушење;
Блефароспазмот е нарушување на движењето (дистонија) на очните мускули. Не е познато што точно може да ја предизвика оваа состојба на очите .
Други состојби кои понекогаш може да вклучат и грчеви на очните капаци како симптоми се:
- Блефаритис (воспаление на очните капаци);
- Корнеална абразија;
- Суви очи;
- Ентропион;
- Глауком
- Сензитивност на светлина;
- Трихиаза;
- Увеитис.
Многу ретко, грчевите на очите може да биде знак на одредени нарушувања на мозокот и нервниот систем. Сепак, во овие ретки случаи грчевите на очите речиси секогаш се придружени од други знаци и симптоми. Меѓу нарушувањата на мозокот и на нервниот систем кои можат да предизвикаат грчеви на очите се:
- Белова парализа;
- Цервикална дистонија;
- Дистонија;
- Мултиплекс склероза;
- Оромандибуларна дистонија и дистонија на лицето;
- Туретов синдром.
Треперење на очите може да се појави и како несакан ефект при земање на некои лекови, особено лекови кои се користат за лекување на епилепсија и психоза.
Кога да посетите доктор?
Треперењето на очите обично се губи само по себе во текот на неколку саати или денови со одмор, олеснување на стресот и намалено внесување на кофеин. Доколку ги забележите следниве симптоми посетето го вашиот доктор:
- Треперењето не се губи и по неколку недели;
- Вашиот очен капак целосно се затвора при треперењето или имате потешкотии да го отворите окото;
- Треперењето се појави и кај други делови од вашето лице или тело;
- Вашето око е црвено, отечено или има исцедок;
- Вашите очни капаци се подзатворени.
