dali-vo-2018-kje-gi-pobedime-rakot-zaraznite-bolesti-avtoimunite-zaboluvanja_image
Споделете со пријателите!

Ракот, заразните болести и автоимуните заболувања продолжуваат и денеска да го мачат човештвото.
Замислете свет во кој вакцините се безболни, може да се применат и во вашиот дом и можат да ги искоренат заразните болести како што се грипот и ХИВ вирусот. Замислете си свет во кој се достапни имунотерапии специјално наменети за борба против клетките на ракот, запирање на алергиите и спречување на отфрлањето на органи при трансплантација.

„Тајната во правењето на овој отскок можеби лежи во иновативноста на биоматеријалите“, – велат д-р Џонатан Бромберг, професор по хирургија, микробиологија и имунологија и д-р Кристофер, професор по биоинженерство на Универзитетот во Мериленд, САД.

Пишувајќи во списанието „Trends in Immunology“, тие нè носат на патување низ светот на биоматеријалите и нè запознаваат со нивната важност за револуцијата на вакцините и имунотерапијата.

Што се биоматеријали?

Биоматеријал е секој тип материјал, без разлика дали е природен или синтетички, кој може да се користи во медицината за зајакнување или замена на оштетеното ткиво или биолошка функција. Што значи тоа? Биоматеријалите може да бидат во форма на стакло, керамика, пластика, метал и биолошки материјали, како што се колаген и желатин, но можат да бидат направени и од клетки или органи. Тие можат да функционираат на микроскопско ниво со што добиваат предност кај целите на вакцините и имунотерапиите.

„Одредени групи на биоматеријали вклучуваат наночестички и микрочестички формирани од полимери или липиди што можат да бидат претворени во имунолошки клетки, стабилни или разградливи структури за имплантација и микроиглени уреди што ги таргетираат имуните клетки во кожата“, потенцираат Бромберг и Џуел.

Додека биоматеријалите се веќе длабоко навлезени во употреба во некои области на современата медицина, како што е формирањето на срцеви залистоци и импланти, истите сè уште не ја наоѓаат својата примена во развојот на вакцините и имунотерапијата. Но, сепак, се укажува на нивниот потенцијал што е позитивен аспект во борбата против ракот, заразните болести и автоимуните заболувања. Како поточно биоматеријалите може да помогнат?

Прочитајте:  5 Намени на фетални клетки

Во борба против заразните болести

Кога размислуваме за вакцини, веројатно е дека заразните болести ни доаѓаат на ум. Поголемиот дел од современите вакцини содржат два елементи: дел од инфективниот микроорганизам или еден од нивните антигени и адјувантен аналгетик што е всушност супстанца што го активира имунолошкиот систем. Биоматеријали наскоро може да се користат како идни адјувантни аналгетици бидејќи самите можат да стимулираат ефективен одговор од имунолошкиот систем.

Уништување на клетките на ракот

Кај терапијата против ракот е многу важно лекот да се вгнезди на вистинското место во организмот. Но како тој да го најде својот пат низ многуте органи и типови на клетки за да допре до вистинското место? Биоматеријалите овде можат да ја најдат својата примена бидејќи тие би можеле да ги препознаат клетките на ракот. На овој начин, со тоа што лекот ќе ги уништи само таргетираните канцерогени клетки, несаканите ефекти од хемотерапијата би можеле значително да се намалат.

Држење на автоимунитетот под контрола

Вакцините против инфективни болести и рак се користат за да поттикнат проинфламаторен имунолошки одговор. Спротивно на ова, кога стануваат збор состојбите предизвикани од автоимунитетот, како што се мултиплекс склерозата, алергиите и отфрлањето на органи при трансплантација, биоматеријалите може да се користат за да се потисне или да се промени одговорот на имунолошкиот систем од напад во толеранција.

Третманот на алергии со алергиски инјекции веќе ги гледа првите позитивни ефекти. Сепак, многу форми на алергиска имунотерапија бараат чести инјекции, на пример, до три пати неделно за време на почетната фаза кои може да треба да се користат во период од неколку години.

Досега само неколку терапии со биоматеријали се тестирани кај луѓе. За тоа како поточно нашиот имунолошки систем би реагирал на биоматеријалите ќе треба да се изучува и анализира подетално пред да може да кажеме дека сме победиле во борбата против ракот, заразните болести и автоимуните заболувања.


Споделете со пријателите!