tetoviranje-ne-e-procedura-bez-rizik_image
Споделете со пријателите!

Тетовирањето не е процедура без ризик
Тетовирањето не е процедура без ризик. Во случајов не станува збор само за одлуката што сте го истетовирале името на вашата љубов која сега го носи името „бивша“. Иако има мали шанси за алергиска реакција, можност за инфекција, па дури и потенцијал за рак на кожа. За среќа, губење на слухот, лезии на белите дробови и воспаление на очите обично не беа предмет за грижа за свежо тетовираните.

Но, кога специјалистите од универзитетската болница Фукуока во Јапонија наидоа на овие симптоми кај 35-годишен машки пациент, тие ги поврзаа со неговото неодамнешно уметничко дело. Тетоважата била веројатно најдалеку од умот на пациентот кога тој се обратил на Одделот за офталмологија заради нарушување на видот во последните четири месеци. Лекарите му дијагностицирале на човекот воспалителна состојба наречена увеитис, која го добила своето име затоа што влијае на средниот слој на ткивото во ѕидот на окото наречено увеа.

„Човек го изгубил слухот и добил воспаление на очи по направена стандардна тетоважа на грбот“

Без очигледни знаци на траума или инфекција на која што може да се препише состојбата, медицинските специјалисти се посомневале дека акумулациите на воспалителни клетки наречени грануломи може да бидат зад отокот и црвенилото. Оваа состојба се нарекува саркоидоза. Иако е поврзано со имунолошки одговор, неговиот предизвикувач не е секогаш очигледен.

Направените, крвни тестови покажале покачено ниво на хормони кои се очекува да се покачени при имунолошки одговор. Компјутер томографскиот наод на градниот кош на пациентот откри и еден куп ситни нодули, друга карактеристика вообичаена во случаи на саркоидоза.

Набргу по третманот, човекот се соочува со уште еден симптом – губење на слухот на двете уши.

Иако не е премногу честа појава, литературата открива случаи кога грануломи можат да се акумулираат околу нервите во черепот и околу лицето, засегнувајќи го слухот. За среќа, после неколку неделна употреба на кортикостероиди се средило не само воспалението на окото, туку се вратил и слухот на пациентот. Што се однесува до причината, истражувајќи ги неговите симптоми, лекарите ја забележале тетоважата стара шест месеци на грбот на мажот.

Прочитајте:  Вашето работно место е повалкано, отколку што мислите

Откриле знаци на грануломи во ерупциите на кожата во рамките на линиите на тетоважата. Не е невообичаено да се најдат овие безболни лезии кои се појавуваат како реакција на металите во одредени мастила, особено неколку месеци по тетовирањето.

Веројатно не е толку изненадувачки што тетоважите повремено можат да предизвикаат реакции кај преосетливи лица.

Во последниве години има повеќе сознанија за тоа како белите крвни зрнца се чувари на мастилото. Бидејќи имунолошкиот систем игра централна улога во одржувањето на тетоважата, сигурно има случаи кога биологијата оди поинаку од предвидливото. За среќа, кортикостероидната терапија ги расчистила и грануломите на тетоважата на пациентот.

Во овој случај, врската помеѓу тетоважата на грбот и саркоидозата не е потврдена несомнено. Како и да е, авторите советуваат дека при знаци на воспаление во било кој дел на телото и при грануломи во областа на пресно направена тетоважа треба да се помисли на тоа како основна причина за појава на овој проблем.

Ова е само уште една причина плус на која што треба да помислите кога ќе носите решение дали да го напишете името на вашиот партнер на грбот.


Споделете со пријателите!