za-normalna-funkcija-na-crniot-drob-izberete-priroden-hepatoprotektiv_image
Споделете со пријателите!

Главната функција на црниот дроб е да ги метаболизира, детоксицира и деактивира различни соединенија меѓу кои лекови и токсини, односно ја филтрира крвта пред да ја пренесе на остатокот од телото
Црниот дроб е клучен орган во човековото тело, идеално сместен во нашиот организам примајќи ја крвта која поминува низ желудникот, тенкото и дебелото црево, панкреасот и слезината. Бидејќи се наоѓа во оваа положба, црниот дроб врши важна улога во обработувањето на хранливите материи апсорбирани од тенкото црево. Главната функција на црниот дроб е да ги метаболизира, детоксицира и деактивира различни соединенија меѓу кои лекови и токсини, односно ја филтрира крвта пред да ја пренесе на остатокот од телото. Тој исто така е важен и за регулирање на шеќерот и холестеролот во крвта, како и за синтеза на протеини кои циркулираат во крвта.

Црниот дроб е орган одговорен за преработка на мастите кои се внесени преку исхраната во тип на масти кои се складираат во нашето тело и истите се користат како извор на енергија. Нарушување на овој нормален процес може да се јави при алкохолизам, малнутриција, бременост или труење. При замастен црн дроб, големи капки на масти, претежно триглицериди, се собираат во клетките на црниот дроб. Самата состојба обично не е болна и може да помине подолго време без да се дијагностицира. Но, кога станува збор за поголемо оштетување, тогаш црниот дроб може да се зголеми и до три пати. Стеатозата може да доведе до фиброза и цироза на црниот дроб. Стеатозата е честа болест и афектира околу 25 насто од популацијата. Нарушување на неговата функција може да доведе до сериозни проблеми во нашиот организам.

Оштетување на црниот дроб може да настане од повеќе причини, некои од нив се: прекумерно внесување на алкохол во долг период, и земање на некои видови на лекарства, неправилна исхрана, болести итн.

Првите знаци по кои може да препознаете дали имате нарушување на функцијата на црниот дроб се:

  • Промена на бојата односно пожолтување на кожата и очите (жолтица);
  • Болки во абдоменот и оток;
  • Оток на рацете и зглобовите;
  • Потемна боја на урината;
  • Хроничен замор и повраќање;
  • Намалување на концентрација на некои витамини и минерали како цинк, селен итн.
Прочитајте:  Дали станува збор за „физиолошка“ жолтица?

Доколку имате било кој од овие симптоми или сте дел од ризична група треба навремено да започнете со третман за подобрување на состојбата на црниот дроб. Најчесто се препорачува третман со природни препарати на база на Силимарин.

Силимаринот претставува активна компонента на добро познато растение наречено Млечен трн или кај народот попознато како Магарешки трн. Силимаринот придонесува за нормална функција на црниот дроб така што го зголемува нивото на глутатион во црниот дроб, кој претставува најважен антиоксиданс за заштита на црниот дроб. Ги заштитува црнодробните клетки преку спречување на навлегувањето на штетните токсини и отстранување на истите од клетките. Исто така ги регенерира оштетените клетки и ја зголемува синтезата на протеини во клетката. Има и антиоксидантно, антиинфламаторно и имуномодулаторно дејство.

Исто така Артичоката се покажала како доста ефективен препарат за подобрување на функцијата на црниот дроб во синергија со Силимаринот. Артичоката стимулира зголемено лачење на жолчка со што помага да црниот дроб забрзано го претвара вишикот холестерол во жолчни киселини и со тоа да го намали покачениот холестерол. Исто така во периодот на третман се препорачува промена на животниот стил односно да се прекине конзумирање на алкохол, да се конзумира здрава храна и голем број на витамини (антиоксиданти) и минерали како што се витамин Е, цинк, селен кој значително се губат при заболувања на црниот дроб.

Наместо заклучок, црниот дроб со своите детоксикациски фукции е еден од најважните органи во човековото тело и треба секогаш да го држиме во оптимална форма.

М-р Фарм. Лидија Николоска Пешталеска


Споделете со пријателите!