sto-se-treba-da-znaete-za-rak-na-prostata_image
Споделете со пријателите!

Ако бактерии од мочниот меур влезат во простата и доколку се пробие имуниот систем, тие се населуваат таму и можат да предизвикаат сериозна инфекција.
Простатата е жлезда која е дел од машкиот полов систем. Сместена е под мочната бешика, пред ректумот (завршен дел од дебелото црево) и го окружува мочниот канал. Тешка е 15 – 25гр, а по облик и величина е како костен. Градена е од мускулно и жлездено ткиво. Ако бактерии од мочниот меур влезат во простата и доколку се пробие имуниот систем, тие се населуваат таму и можат да предизвикаат сериозна инфекција. Бактериското воспаление на простата е многу сериозно заболување со компликации, доколку не се отпочне навремено лекување.

Простатитис – воспаление (инфекција) на простатата

Воспалението на простатата, (простатитис), најчесто се јавува со појава на повеќе различни симптоми и знаци на воспаление. Во некои случаи простатитот не е причина, туку последица од некое друго заболување, како на пример при воспаление на мочниот меур (цистит), при воспаление на горните мочни патишта, при воспаление на слепо црево и друго. Од друга страна пак, примарното воспаление на простатата може да се пренесе и нагоре и да доведе до воспаление на мочниот меур или пак да се спушти надоле и да го зафати надворешниот мочен канал. Речиси редовно воспалението на простатата доведува и до воспаление на околните жлездени структури, како на семените меурчиња, а од тука преку семеводот до натсеменикот и семеникот.

Воспалението на простатата е најчесто уролошко заболување кај мажите помлади од 50 години. Кај мажите постари од 50 години, ова заболување е на трето место по честота на јавување, зад бенигната хипертрофија на простатата и зад ракот на простатата.Најчесто воспалението на простатата се должи на враќање на мочта, а со тоа и на бактериите и другите микроорганизми во простатичните каналчиња. Се јавува кога доаѓа до инфекција на мочните патишта, на семените каналчиња, при катетеризација на мочниот меур.
Во зависност од критериумите, сите простатити можат да се поделат:

  • Простатити од бактериско воспаление
    • Неспефично, предизвикано од разни видови на бактерии.
      Се работи за воспаление на жлездата кое, ако е акутно, најчесто е предизвикано од бактеријата Esherichia koli (65%-80%), а потоа следат Pseudomonas Aeruginosa, Seratia, Klebsiella и Enterobacter Aerogenes. Субакутните и хроничните простатити најчесто се предизвикани од Chlamydia trachomatis, а потоа од Ureplasma urealyticum и од другите бактерии.
    • Специфично (туберкулoзно, предизвикано од бактеријата Micobacterium tuberculose)
    • Венерично (воспаление предизвикано од сексуално преносливи причинители)
  • Простатити без бактериска потврда
    • Овие простатити најчесто се предизвикани од вируси, паразити, или од други причинители (микоплазма, кламидија, од алергија и друго).
    • Болести кои се пренесуваат преку сексуален однос
    • Венерични (тука спаѓаат сифилис, трипер)
    • Болести кои се пренесуаваат по сексуален однос, но не спаѓаат во класични полови болести, како што се небактериките воспаленија на простатата и мочниот канал (микоплазми, кламидии).
Прочитајте:  Нов тест може да открие многу вируси, меѓу кои и Ебола

Според Националниот Институт за Здравје, постојат 4 категории на простатит.

  • Акутен бактериски простатит
  • Хроничен бактериски простатит
  • Небактериски простатит
  • Асимптоматски инфламаторен простатит

Акутен бактериски простатит

movember-simptomi-na-rak-na-prostataАкутниот бактериски простатит претставува потешко заболување. Најчесто се јавува кај младите мажи, до 40 годишна возраст. Често може да биде провоцирано од настинка, од возење на велосипед, од консумирање на ладни пијалоци. Често се јавува и при постоење на каменчиња во мочните канали или во мочниот меур. Најчести симптоми на акутниот бактериски простатит се: акутна болка пропратена со често мочање, чувство на печење во мочниот канал, болни грчеви во мочниот канал, отешнато мочање со послаб млаз кој се прекинува во текот на мочањето, а понекогаш може да дојде и целосно прекинување на мочањето (уринарна ретенција).

Со терапијата на акутниот простатит најчесто се постигнува целосно излекување.Во помал број на случаи, обично при неадекватно спроведена терапија, тој минува во хроничен простатит.

Хроничен бактериски простатит

Хроничниот бактериски простатит е почест од акутниот. Хроничниот простатит може да постои подолго време пред да се појават одредени тегоби како што се: болки во крстот за време на мочањето, различни тегоби при мочањето, како и тешкотии при поголем физички напор.Симптомиte најчесто се поврзани со мочниот канал. Се јавува секрет, кој најчесто е слузест, а поретко крвав и се цеди од мочниот канал. Често, секретот се засилува при дигање на тешки предмети, или при напорна физичка работа, како и при дефекација (при одење по голема нужда). Може да биде присутно и лесно печење при мокрењето, може почетниот млаз да е заматен, а потоа мочта да се избистри. Хроничниот бактериски простатит има слични симптоми како и акутниот, но тие се помалку драматични и нема покачена телесна температура. Антибиотската терапија успешно го лекува овој проблем.

Постојат студии кој покажуваат дека континуирана употреба на сабал палма дава намалување на ткивото на простатата. Коренот од коприва е едно од најчестите растенија кои се користат при третман на уринарни проблеми уште од дамнешно време. Користење на природен препарат кој го содржи ова растение помага при воспаленија на простатата и мочниот меур, како и при тешко и болно мокрење заради БХП од прв и втор степен. За заштита на уринарниот и репродуктивниот тракт корисно е и редовно внесување на моќните природни антиоксиданти ликопен, селен и цинк. Препарат кој е комбинација од овие компоненти може значително да придонесе за подобрување и надминување на зголемување на простата како и превенција од разни заболувања на простатата, па затоа кај пациенти кои се над 50 години се препорачува и превентивно земање на вакви препарати. Доколку самостојно природниот препарат не успее да помогне во подобрување на симптомите, во консултација со специјалист може да се продолжи третманот со комбинација од природен препарат и фармаколошка терапија.

М-р Фарм. Билјана Мукаетова

Uroprostal_web_banner_700x90

 


Споделете со пријателите!