tajnite-na-rubikovata-kocka_image
Споделете со пријателите!

Тоа изгледа толку лесно кога другите го прават, но нам никако да ни тргне од рака
Сетете се на моментите кога сте се обидувале и обидувале и не сте можеле да стигнете до совршената комбинација. Тоа изгледа толку лесно кога другите го прават, но нам никако да ни тргне од рака. Зборуваме за решавање на рубиковата коцка. Има ли други истомисленици како нас?

„Рубикова коцка ја создал Унгарецот Ерно Рубик во 1974 година, обидувајќи се да направи 3Д визуелизација за своите студенти, не знаејќи дека всушност направил сложувалка.“

Рубиковата коцка е една мобилна играчка што ги симболизира контрастите на човековата состојба, од збунувачки проблеми до триумфалност со својата интелегенција, едноставност и сложеност, стабилност и динамика, хаос и ред. Култната Рубикова коцка ја создал Унгарецот Ерно Рубик во 1974 година, обидувајќи се да направи 3Д визуелизација за своите студенти, тој ја дизајнирал коцката, не знаејќи дека всушност направил сложувалка. Таа се состоела од дваесет и седум мали коцки, врз кои ставил налепници во шест бои. Тогаш, никому не му било важно боите да бидат подредени, ниту на професорот, ниту на студентите. Дури и самиот Рубик едвај ја решил сложувалката. На професорот му требало дури 1 месец да го реши својот изум, односно да ја намести својата коцка. Но, откако го сторил тоа, дошол до идеја да го патентира пронајдокот како детска играчка. Тоа го направил по една година од дизајнирањето на коцката. Го направил својот прототип и го презентирал пред студентите и пријателите, согледувајќи го потенцијалот за својот изум. Следел чекор за коцката да почне да се произведува. Оваа култна играчка на осумдесеттите години и ден денеска е многу популарна. Првите коцки биле направени и дистрибуирани само во Унгарија, од страна на компанијата Политехника, под името Магични коцки и тежеле два пати повеќе од денешните.

Прочитајте:  Шест начини за развивање на емоционалната интелигенција EQ

Научниците откриле дека постојат многу позитивни ефекти од сложувањето на коцката: подобрување во концентрацијата, вниманието и забележувањето; развивање на брзи ментални и физички рефлекси; подобрување на меморијата; трпеливоста; одлучност и истрајност; подобрување на способноста во решавање на проблеми; поттикнува истражување на нови начини за постигање на подобри резултати. Играта со Рубикова коцка е игра која се потпира на концентрација и темелност. Но, играњето со Рубиковата исто така не е лесно, бидејќи мора да се концентрирате за да го завршите правилното уредување на боите. Исто така, постојат техники што треба да ги знаете за тоа да го направите правилно.

На 17 ноември 2018 година Македонската кјубинг асоцијација (МКА) организира интернационален натпревар во брзо решавање Рубикова коцка (speedcubing), кое е делегирано од страна на World Cube Association (WCA). Натпреварот се одржа на Шумарскиот факултет при УКИМ – Скопје. „Speedcubing“ подразбира брзо решавање на Рубиковата коцка, но и други форми и варијации на Рубиковата коцка. Главниот организатор на вакви натпревари е World Cube Association (WCA), која одржува над 1.000 натпревари годишно низ целиот свет. На натпреварувањето беше присутен и еден од основачите на WCA и бивш светски рекордер – Рон Ван Брухем од Холандија. Моменталниот македонски рекорд во местење Рубикова коцка е 10.23 постигнат од Александар Дуклески.


Споделете со пријателите!