svojstva i primena-na-ricinusovo maslo_image
Споделете со пријателите!

Маслото од рицинус е едно од најхранливите и лековити растителни масла поради кои се употребува за многу медицински и козметички цели
Уште многу одамна, во далечната историја, рицинусовото масло ја наоѓало својата широка примена за многу различни цели на територијата на Африка, Индискиот потконтинент и Медитеранскиот регион. Маслото од рицинус е помеѓу првите растителни масла коишто ја нашле својата примена за индустриски цели заради неговата висока вискозност што му дава својства на квалитетен подмачкувач. Имено, Британската компанија за производство на масла за автомобили, „Castrol“, своето име го добива од англиското име на рицинусовото масло – „castor oil“. 

Денеска рицинусовото масло претставува едно од најупотребуваните природни растителни масла што се употребува за многу медицински и козметички цели, особено како природен лаксатив за прочистување на организмот и во грижата и заштитата на кожата, косата, веѓите и трепките.

Растителното масло се добива со ладно цедење на зрелото и излупено семе од растението рицинус (Ricinus communis), коешто расте во дивите тропски предели. Маслото се одликува со светла жолто-златеста нијанса и со малку непријатен мирис и вкус.

Рицинусово масло за медицински цели

Природен лаксатив за организмот

svojstva i primena-na-ricinusovo maslo_image1Маслото од рицинус е природен лаксатив што помага во лекување на стомачни заболувања, прочистување на цревата во организмот и регулирање на столицата. Со мали дози во кратки временски периоди, маслото може да ви помогне доколку имате тврда столица и стомачни тегоби. Дозволената доза на рицинусово масло за прочистување на организмот кај возрасни е 5-15 мл, а за деца до 5 мл. Со внесување на дозволената доза масло во организмот, по неколку часа (вообичаено 2-5 часа) доаѓа до благо стимулирање и со тоа лесно прочистување на цревата.
Напомена: Пред да го употребите рицинусовото масло како лаксатив консултирајте се со вашиот лекар. Кај личностите што се соочуваат со здравствени проблеми како улкус, хемороиди или посериозни проблеми со цревата, маслото може да предизвика иритација.
Совет: Доколку мирисот и вкусот на рицинусовото масло се многу интензивни за вас, обидете се да го помешате маслото со природен сок од портокал.

Природен лек за габични инфекции 

Благодарение на ундециленската киселина што ја содржи, рицинусовото масло има силни антигабични својства. Оттука, маслото од рицинус може да се употребува во лекувањето на габични инфекции, меѓу кои дерматофиза и атлетско стапало.
Начин на употреба: Загрејте мало количество рицинусово масло и оставете го да се олади сè додека не биде млако на допир. Пред спиење, со памук нанесете на инфицираните места од маслото и оставете го да делува преку целата ноќ. Повторувајте го третманот во текот на цела недела за да видите дали има значително подобрување, потоа продолжете сè додека инфекцијата не исчезне целосно.

Прочитајте:  Корисно ли е практикување на екстремен спорт за психичкото здравје

3. Природен лек за болки од астритис

Рицинусовото масло има позитивни смирувачки и антиинфламатони ефекти во лекувањето на артритисот. Еден третман е нежно масирање на заболените места со рицинусово масло што може да помогне за намалување на болката. Вториот третман е директно третирање на заболените места со рицинусово масло и топла вода што помага за исчезнување на болката и ублажување на симптомите од артритис.
Начин на употреба: За вториот третман потребно е да натопите памук во рицинусово масло и да го ставите на болното место. Потоа обвијте го со транспарентна фолија и ставете врз неа сад со топла вода и оставете да делува околу 45 минути. 

Рицинусовото масло за козметички цели

Го поттикнува растот на косата и го зајакнува влакното

Секојдневната масажа на скалпот на главата со мало количество рицинусовото масло го зајакнува мекото влакно и поттикнува побрз раст на косата. Освен за стимулирање на растот и за заштита на косата, рицинусовото маслото често се користи и за поттикнување на растот на веѓите и трепките.
svojstva i primena-na-ricinusovo maslo_image2

Начин на употреба: Затоплете мало количество рицинусово масло и потоа оставете го да се олади сè додека не стане млако на допир. Ставете малку на прстите и започнете со нежно масирање на скалпот. Масажите на скалпот со масло од рицинус применувајте ги секоја вечер и ќе забележите зајакнување на вашата коса по околу две недели.
Совет: Доколку имате многу ретки веѓи или трепки еднаш месечно нанесувајте од маслото за го поттикнете нивниот раст. Доколку пак, страдате од ќелавост  или опаѓање на влакната на телото (алопеција), секојдневно со памук нанесувајте рицинусово масло на тие нежни делови од телото.

Ѝ дава хидратација на кожата

Рицинусовото масло претставува идеалниот „хидратантен крем“ што ѝ е потребен за хидратација на сувата и проблематична кожа. Маслото ја има моќта да допре длабоко во ткивата на кожата и да ги збогати со своите хранливи состојки. Секојдневното нанесување на мали количества рицинусово масло на сувите или проблематични делови ќе резултира со поздрава кожа.
Совет: Доколку рицинусовото масло го чувствувате многу тешко и масно за вашата кожа, обидете се да го разредите со кокосово или бадемово масло.

Генерална напомена: Дадените совети не се замена за лекарски совет и третман.


Споделете со пријателите!