Повеќе од 35 милиони луѓе починале од ХИВ/СИДА, што ја прави една од најдеструктивните пандемии во историјата.
Светскиот ден за борба против ХИВ/СИДА се одржува на 1-ви декември секоја година и е можност за луѓето ширум светот да се обединат во борбата против ХИВ и во давањето на својата поддршка за луѓето што живеат со ХИВ.
На глобално ниво околу 34 милиони луѓе живеат со ХИВ, а повеќе од 35 милиони луѓе починале од СИДА, што го прави една од најдеструктивните пандемии во историјата.
Денес, многу научни достигнувања се направени во врска со третманот со ХИВ и постојат закони за заштита на луѓето кои живеат со ХИВ и секој од нас е свесен за состојбата. Но, и покрај тоа, многумина не ги знаат фактите за тоа како да се заштитат себеси и другите од ХИВ, а јавното осудување и дискриминацијата останува реалност за многу луѓе ширум светот кои живеат со ХИВ. Светскиот ден на борба против ХИВ/СИДА е важен бидејќи ја потсетува јавноста дека ХИВ вирусот е сè уште присутен и дека сè уште постои потребата да се собираме средства, да ја зголемиме свеста, да се бориме против предрасудите и да дејствуваме во подобрувањето на образованието.
Кампања за 2017 година
Овогодишната кампања на Светскиот ден за борба против ХИВ/СИДА го носи насловот „Let’s end it“ и во својот фокус ги става следните клучни точки: крај на изолацијата, крај на јавното осудување и крај на пренесувањето на ХИВ-вирусот.
Оваа година во Велика Британија се забележани првите значителни намалувања на ХИВ дијагнозите кај хомосексуалците во Лондон, благодарение на честите тестирања, брзиот третман и „PrEP“. Но борбата не е насочена само кон вирусот, туку кон незнаењето, несвесноста и дискриминацијата кои сè уште се пречка луѓе кои живеат со ХИВ да живеат среќен и исполнет живот.
Што може да направите на Светскиот ден за борба против ХИВ/СИДА?
Светскиот ден на борбата против ХИВ/СИДА е можност за да ги научите фактите за ХИВ вирусот. Знаењето како се пренесува и како се спречува вирусот, како и свесноста за реалноста на живеење со ХИВ денес, можете да ги користите за да се грижите за сопственото здравје и за здравјето на другите. Исто така, можете да ја покажете вашата поддршка за луѓето кои живеат со ХИВ на Светскиот ден за борба против СИДА со носење црвена лента, која е меѓународниот симбол на свеста и поддршката на ХИВ. Светскиот ден на борба против сидата е, исто така, одлична можност да се соберат средства за НАТ (Националниот фонд за СИДА) и да се покаже поддршка за луѓето кои живеат со ХИВ.
Што по Светскиот ден за борба против ХИВ/СИДА?
Иако Светскиот ден на борба против ХИВ/СИДА е одлична можност да се допре до јавноста, да разговара за ХИВ-вирусот и да се соберат средства, треба да се потсетиме на важноста на подигнување на свеста за ХИВ во текот на целата година. Затоа Националниот фонд за СИДА ја започна забавната и интерактивна веб-страница „HIVaware“ која ги обезбедува сите информации што секој треба да ги знае за ХИВ.
