denes-e-svetskiot-den-za-borba-protiv-hiv-sida_image
Споделете со пријателите!

Околу 2,5 милиони луѓе во Европа се ХИВ позитивни
„Најмалку едно од три лица што живеат со ХИВ во Европа не се свесни за својот ХИВ статус.
Официјалните бројки говорат дека 2,5 милиони луѓе во Европа се ХИВ позитивни. Половина од луѓето што живеат со ХИВ се дијагностицирани доцна, со што се доцни со пристапот до терапија, грижа и поддршка. Од крајот на 2015 година, бројката на заболени од ХИВ е 36,7 милиони и претставува податок кој не смее да се занемари и да се мисли дека оваа болест не нè интересира, односно засега. Се претпоставува дека најмалку едно од три лица што живеат со ХИВ во Европа не се свесни за својот ХИВ статус.

Незаштитениот секс е еден од најчестите начини за пренос на ХИВ и единствено со ХИВ тест може да се дознае ХИВ-статусот.

Денес, да се биде дијагностициран со ХИВ, значи нешто сосем различно отколку пред 30 години. ХИВ веќе не претставува смртна казна. Но, незнаењето на популацијата, го прави живеењето со ХИВ статус, тежок. Сè уште постојат многу заблуди во врска со ХИВ/СИДА, а срамот и стравот од осуда од околината, спречуваат многумина да се тестираат.

Доколку навремено се открие ХИВ и лицата редовно земаат терапија, со ХИВ се живее долг и квалитетен живот.

Токму затоа, навременото тестирање е клучно! За оваа цел, се одбележува и овој ден, 1 декември, Светскиот ден за борба против ХИВ/СИДА. Светските заложби се да се стави крај на оваа епидемија до 2030-та година, како дел од Целите за одржлив развој.

Здружението за поддршка на луѓето што живеат со ХИВ – ЗАЕДНО ПОСИЛНИ од Скопје, вечерва организира добротворен настан и дружење по повод 1 декември – Светскиот ден на СИДА под слоганот „Лекот за ХИВ сме ние“.

„Сите средства што ќе се соберат од добротворниот настан, како и минатите години, се наменети за оние луѓе што живеат со ХИВ, а притоа се наоѓаат во исклучително неповолна социјална состојба, а дополнителен проблем претставува да останат во здравствена грижа и редовно да ја добиваат својата терапија.“, стои во соопштението за овој настан.

ХИВ е скратеница за хуманиот вирус на имунодефициенција (Human Immunodeficiency Virus). Тој го напаѓа имунолошкиот систем кај човекот, поради што организмот станува неспособен да се бори и против обичните инфекции.

Прочитајте:  Ринитис – најчестиот симптом при настинка и алергија

Сида (синдром на стекнат недостаток на имунитет) или AIDS (Acquired Immuno-Deficiency Syndrome). Имунолошкиот систем на едно лице е толку оштетен со ХИВ вирусот што бројот на крвните елементи за борба против инфекциите т.н. помагачи на Т лимфоцитите (CD4 клетки) паѓа на помалку од 200 по милилитар на крв во крвотокот.

Како може да се пренесе:

  • Аплицирање на дрога кај интравенски корисници;
  • Хемодијализа;
  • Тетовирање, акупунктура;
  • Трансплантацијата на органи и ткива;
  • Професионална трансмисија – ги вбројува здравствените работници кои не ги почитуваат општите мерки за заштита;
  • При ризичен сексуален контакт, ризикот изнесува 10-15%;
  • Вертикална трансмисија – во тек на бременост, породување или доење.

Третманот на ХИВ е сложен, мултидисциплинарен процес во кој се вклучени повеќе групи на лекови: лекови кои делуваат директно на вирусот (антиретровирусни лекови), лекови кои делуваат на причинителите на опортунистички инфекции, и лекови за одржување и подобрување на имунитетот.


Споделете со пријателите!