Oваа чорба не е за секого, а ќе ви се допадне ако ги сакате овие вкусови: печен модар патлиџан, наут, зготвени домати… сето тоа зачинето со кари. Со парче лепче доволно е за ручек.
- 3 – 4 домати, исечени на пола;
- неколку моркови, исечени на крупни парчиња;
- неколку лукчиња, излупени;
- 1 модар патлиџан, исечен на крупни парчиња;
- 1 шоља наут, сварен или стоен во вода преку ноќ и исцеден;
- 2 лажички кари;
- 4 лажици маслиново масло;
- сол, бибер.
Доматите (со исечената страна надолу), морковите и лукчето наредете ги во тавче. посолете ги со сол и бибер и прелијте ги со околу 2 лажици маслиново масло.
Во друго тавче наредете ги во еден слој парчињата модар патлиџан и наутот (може и врз хартија за печење), посипете ги со кари, сол и бибер и останатите 2 лажици маслиново масло.
Ставете ги двете тавчиња во рерна да се печат на 200°C околу 45 минути, доматите во горниот дел, модрите патлиџани во долниот.
Кога ќе ги извадите од рерна тавчињата, оставете ги малку да се оладат, колку да можете да ја извадите лушпата од доматите, а потоа доматите, морковите и лукчето и течноста од тавчето ставете ја во блендер и изблендирајте ги. Префрлете ги изблендираните домати во тенџере заедно со модрите патлиџани и наутот, додајте вода ако е чорбата многу густа, сол и бибер ако треба, загрејте ја ако е оладена и послужете ја.
* рецептите со во целост превземени од ситно сецкано
