Биоосетливиот филм е направен од целулозна хартија и флексибилен полимер
Споделете со пријателите!

Со био-осетливи филмови и паметни телефони до дијагноза на болеста од секаде
Одењето на лекар поради обична настнка, можеби понекогаш е право малтретирање, од гужва во сообраќај до гужва во чекална, па и до немање време, но што ако живеете далеку од првата амбуланта или пак имате ограничен пристап до здравствена заштита?

Истражувачите од Универзитетот Флорида Атлантик (Florida Atlantic University) создадоа чувствителен филм кој може да детектира вируси и бактерии, како што се ХИВ и стафилокока, а притоа да не го напуштите комфорот на вашиот дом. Филмот може да се користи во оддалечените региони, помагајќи им на медицинските професионалци да дијагностицираат болести и да одлучат за најдобриот третман без разлика што пациентот е далеку. Наодите објавени во Scientific Reports го потврдуваат токму тоа.

За да ја користи новата платформа, пациентот треба да стави мал примерок на крв или плунка на филмот направен од целулозна хартија опкружен со флексибилна пластика. Секој филм е дизајниран да детектира одреден тип на бактерија или вирус. Доколку филмот детектира позната бактерија или вирус, наночестички од филмот се групираат околу неа и ги обојуваат клетките со сина боја, а со тоа ги издвојуваат од остатокот од примерокот. Пациентот потоа би го користел неговиот паметен телефон да го фотографира примерокот и да ја испрати фотографијата до својот лекар за дијагноза. Медицински професионалци, без разлика каде се наоѓаат ќе добијат фотографија популарно наречена селфи (но во овој случај cell-fie односно слика од келија 😀  ) и можат да ги погледнат бактериски био-маркери во примерокот и да ја дијагностицира болеста. Био-осетливиот филм е за еднократна употреба и е многу поефтин да се произведе од нему слични био-осетливи филмови.

Прочитајте:  Напред Розово 2017 - Чекори Против Ракот на Дојка

Истражувачите предвидуваат дека оваа технологија може да се користи за да се дијагностицираат огромен спектар на бактериски и вирусни болести, а може да им помогнат на лекарите да го следат напредокот на пациентите кои се под третман за некоја болест.

Како да направите cell-fie
Како да направите cell-fie

Друг правец во кој предвидуваат дека оваа технологија може да се развива е нејзино користење за откривање на бактерии во другите супстанции, вклучувајќи храна и вода, за да помогне во спречување на болести предизвикани од храна.


Споделете со пријателите!