Синдром на скокачко колено

By PharmaNEWS.mk
@PharmaNEWS
PharmaNEWS
PharmaNEWS
On 09/08/201704/08/2017
0

Споделете со пријателите!

Синдром на скокачко колено – зошто и како настанува, кои се симптомите? Како да се заштитиме?

Болка за време на тренинг… Како да разликувате нормална болка од онаа при која е неопходна рехабилитација. Дали сте од оние кои ја издржуваат непријатноста за време на тренинг? Дали верувате во тоа дека не постои успех без напор? Или доколку не почувствувате напор сметате дека не сте вежбале доволно? Секогаш е добро да се знае дека постојат одредени сигнали кои не треба во никој случај да се игнорираат.

„Можност за појава на овој синдром е значително поголема кај оние кој изведуваат повеќе од 4 тренинзи неделно“

Тркачкото колено е болна состојба, типична за сите спортови што го оптеретуваат предниот сегмент на коленото што ја опфаќа тетивата на квадрицепсот, пателата или чашката и пателарниот лигамент. Иритацијата и преоптеретувањето на ‘рскавичните и под’рскавичните слоеви на чашката поради некоја причина е основа за болниот синдром. Во нормални услови пателата се движи горе-долу без да го допира одредениот канал на долниот дел на надколеницата.

Причини за појава на скокачко колено

Основна причина за појава на овој синдром е преоптеретувањето кое доведува до појава на микротрауми кои го надвладуваат процесот на репарација на ткивата, без разлика дали станува збор за тетивите, коските, рскавиците или мускулите. Всушност овој синдром се поврзува со бројот на тренинзи неделно, но и од голема значење е тврдата подлога на која се изведуваат спортските активности и која ја зголемува појавата на овој синдром. Исто така тука може да се вбројат и интензитетот на тренинзите, лоша кондиција и вештина на изведување на активностите.

Симптоми

Основен симптом е болката која се јавува во предниот дел на коленото и најчесто е остра, со различен интензитет. Во почетокот се јавува само после тренинг и исчезнува одкако ќе се одморите. Потоа, доколку не се превземат соодветни мерки таа се јавува многу почесто пред, за време и после изведувањето на спортските активности.

„Болката за полесно да се разликува може да се подели во три стадиуми“

Затоа често за полесно да се разликува може да се подели во три стадиуми. Во првиот стадиум болката е присутна само по изведување на активностите, во вториот стадиум за време на почетокот на активностите и исчезнува откако убаво ќе се загреете за потоа повторно да се појави пред крај на активностите. Третиот стадиум карактеризира болка која е секогаш присутна. Тогаш некои може да се справат со тоа и да продолжат со активностите но други пак не може воопшто да ги изведуваат спортските активности.

Фактори кои придонесуваат за појава на скокачко колено

„X“ и „O“ нозе кои предизвикуваат неправилен пренос на оптеретувањето на лигаментите на пателата;
Недоволна флексибилност на мускулатурата на пателата;
Слабост на мускулната синергија на коленичниот зглоб која делува при скокачките активности;
Прекумерена телесна тежина;
Разлика во должината на екстремитетите.

sindrom-na-skokachko-koleno_image_1

Период на рехабилитација

Лекувањето е најчесто неопретивно и затоа е значајно да се започне што порано, односно со појава на првите симптоми. Нажалост, тука најчесто се греши бидејќи при појава на првите симптоми никој не придава доволна важност и тогаш повторно се продолжува со изведување на спортските активности, без промена на интензитетот на вежбите.

Програмот на неопретивно лекување подразбира краткотрајна модификација на спортските активности, примена на физикална терапија, вежби за истегнување и зајакнување на мускулите и сето тоа индивидуално прилагодено со обзир на локализацијата на болката како и на стадиумот на синдромот на скокачко колено.

Примена на RICE ( Rest – одмор, Ice – лед, Compression – притисок, Elevation – поставување во подигната положба) е од голема важност да се примени во првите 24 до 72 часа од појавата на првите симптоми.

Совети со кои ќе може да ги одржувате колената здрави

Одбирајте спортска активност која ќе предизвика помал импакт врз вашите колена. Додека сме помлади колената имаат голема амортизација,но како што поминува времето таа се намалува. Поради тоа понекогаш трчањео е подобро да се замени со возење велосипед, пливање и сл.
Носете квалитетни и соодветни обувки за различни спортови. Тоа ќе ви помогне во голема мера да превенирате од појава на болки во коленото;
Хранете се здраво со цел да ги намалите воспалителните процеси и болката. Додатоците во исхраната можат да делуваат благопријатно;
Одржувајте нормална телесна тежина. Доколку сте со прекумерена телесна тежина шансите се поголеми за повреди на коленото;
Одржувајте ја еластичноста и мускулната сила на мускулатурата која има улога на активен стабилизатор во зглобот на коленото;
Носете стегачи и бандажери и останете заштитени при изведување на вашите спортски и работни активности. Од нашиот програм би ги оделиле стабилизаторот за колено со гелна влошка и стабилизаторот – перфориран неопрен. Идеални се за оние кои сакаат да превенираат при повреда и да се ослободат од болката која настанува при оптеретување. Овозможуваат потпора на мускулната жила со добра компресија и соодветна стабилизација при физичка активност. Лесни за аплицирање, одличен избор за сите сите оние кои се занимаваат со интензивни и рекреативни спортски активности.