shto-se-sluchuva-koga-kaj-zhenata-se-javuva-namaleno-nivo-na-testosteron_image
Споделете со пријателите!

Според „University of Rochester Medical Center“, жената треба да има вкупно 15-70 нанограми на децилитар (ng/dl) тестостерон во крвта.
Многумина тестостерон го сметаат како машкиот хормон за секс, но секому е потребно одредено количество од истиот. Сепак мажите имаат повисоко количество тестостерон од жените, додека женските надбубрежни жлезди и јајниците произведуваат мали количини на овој хормон.

Тестостеронот спаѓа во групата на хормони познати како андрогени. Нивото на тестостерон влијае на:

  • плодноста;
  • сексуалниот нагон;
  • производството на црвени крвни клетки;
  • мускулната маса и распределбата на масти.

Нивото на тестостерон кај жената природно се менува низ текот на животот, за време на менструалниот циклус и понекогаш дури и во различни периоди од денот.

Според „University of Rochester Medical Center“, жената треба да има вкупно 15-70 нанограми на децилитар (ng/dl) тестостерон во крвта.

Симптоми на ниско ниво на тестостерон во крвта

Ниското ниво на тестостерон може да предизвика еден или повеќе од следниве симптоми кај жените:

  • летаргичност;
  • слабост во мускулите;
  • замор;
  • нарушување на спиењето;
  • намален сексуален нагон;
  • намалено сексуално задоволство;
  • зголемување на телесната тежина;
  • проблеми со плодноста;
  • нередовни менструални циклуси;
  • сувост на вагината;
  • намалување на коскената густина.

Симптомите поврзани со нискиот тестостерон се многу слични со симптомите на други здравствени состојби, оттука медицинските лица вообичаено пред да постават дијагноза проверуваат за знаци на:

Причини за намален тестостерон во крвта

Нивото на тестостерон природно се намалува со возраста и менопаузата кај жената. Двете главни причини за низок тестостерон се:

  • намалувањето на нивото на хормонот како нормален резултат на менопаузата и стареењето;
  • проблеми со јајниците или хипофизата или надбубрежните жлезди.

Нивоата на другите хормони, како што е естрогенот, исто така, се намалуваат со текот на времето, особено откако жената ќе влезе во периодот на менопауза. Токму во овој период е поголема веројатноста кај жената да се појави пониско ниво на тестостерон, како резултат на тоа што јајниците произведуваат помалку хормони.

Лековите коишто вообичаено се користат за ублажување на несаканите ефекти од менопаузата како оралниот естроген, исто така, можат да ги намалат нивоата на тестостерон.

Проблемите со јајниците и надбубрежните жлезди исто така можат да предизвикаат пониски нивоа на тестостерон. Една жена може да има намалени нивоа во случај нејзините јајници да се отстранат или ако има надбубрежна инсуфициенција, што значи дека надбубреќните жлезди не функционираат правилно.

Прочитајте:  5 симптоми коишто не треба да ги игнорирате

Дијагноза за намален тестостерон во крвта

Важно е да се напомене дека истражувањата во оваа област се сè уште ограничени. Имено, во моментов има недостаток на истражување во врска со третманот на низок тестостерон кај жените. Многу доктори се повеќе загрижени за оние случаи во кои нивоата на тестостерон се премногу високи.
shto-se-sluchuva-koga-kaj-zhenata-se-javuva-namaleno-nivo-na-testosteron_image1

Во 2014 година било препорачано ниското нивото на тестостерон кај жените воопшто да не се третира заради тоа што истражувањата допрва треба да докажат поврзаност помеѓу нивоата на тестостерон и симптомите. А доколку една жена се пожали на било кој од симптомите наведени погоре, докторот би проверил за други почести здравствени состојби.

Третман за намален тестостерон во крвта

Некои лекови за замена на естроген содржат тестостерон. Сепак, количеството на тестостерон во лековите можеби нема да биде доволно за да се зголеми нивото на хормонот или телото можеби нема да може доволно да ги апсорбира.

Докторот може да препорача инјекции од тестостерон очекувајќи третманот да има ист ефект кај жените како и кај мажите, односно: зголемување на нивото на енергија, намалување на заморот и зголемување на сексуалниот нагон.

Сепак, многу лекари ги советуваат жените да не земаат тестостерон затоа што може да се манифестираат негативни ефекти коишто може да вклучат:

  • опаѓање на косата;
  • појава на акни;
  • појава на несакани влакна на лицето;
  • продлабочување на гласот;
  • зголемување на клиторисот.

Aлтернативни терапии за лекување на симптомите на низок тестостерон кај жените понекогаш може да се препорачаат. Овие третмани и промени во животниот стил може да вклучат:

  • секс терапија;
  • преземање чекори за управување со стресот;
  • квалитетен сон;
  • здрава исхрана.

Споделете со пријателите!