matichni-kletki-protiv-erektilna-disfunkcija_image
Споделете со пријателите!

Резултатите покажуваат дека 8 од вкупно 21 пациент успешно ја вратиле сексуалната функција
Новите резултати од едно истражување, покажаа дека матичните клетки можат повторно да ја активираат еректилната функција со цел да им овозможат спонтан однос на импотентните мажи. Достапните лекови во моментов, вклучуваат PDE5 инхибитори (како Вијагра), инјекции, или импланти. Сите тие имаат некои недостатоци, па научниците се во потрага да пронајдат безбеден начин која ја враќа природната сексуалната функција.

„Најновите резултати од конференцијата во Лондон, покажаа дека 8 од 21 пациент успешно ја вратиле сексуалната функција“

Голем број на заболувања веќе со години успешно се третираат со хематопоетски матични клетки од папочна врвца и околу 15, со не-хематопоетски матични клетки. Меѓу нив се вбројуваат некои видови на малигни заболувања на крвта, заболувања на лимфниот систем, одредени тумори (вклучувајќи тумори на градите и јајниците) и автоимуни заболувања (системска склероза и јувенилен артритис). За поголемиот дел од нив, матичните клетки се дел од стандардните тераписки протоколи. Бројот на таквите болести се очекува во блиска иднина забрзано да расте.

Терапијата со матични клетки, позната и како регенеративна медицина, произведува репаративен одговор на заболеното, нефункицонално и повредено ткиво, користејќи матични клетки или нивни деривати. Ова е следното поглавје во трансплантација на органи и користи клетки наместо органи од донатори. Последниве години, неколку групи на истражувачи работеа со цел да развијат терапија со матични клетки за лекување на еректилна дисфункција, но дури неодамна еден труд вроди со резултат. Резултатите презентирани на конференција во Лондон организирана од Европската асоцијација за урологија, покажаа дека 8 од 21 пациент успешно ја вратиле сексуалната функција.

„Оваа техника може да придонесе кон опоравување и спонтана ерекција“, истакнува главната истражувачка д-р Марта Хаар (Dr Martha Haahr), без употреба на лекови, инјекции или импланти.

„Во моментов започнуваме до фаза 2, со цел подобро да ја процениме ефективноста и да ја потврдиме сигурноста на овој метод“, вели д-р Хаар.

Прочитајте:  Човечки органи растени во свински бубрези [ВИДЕО]

Ерекцијата е сложен однос меѓу физиолошки, нервни, васкуларни и ендокрини фактори и често се поврзува со сексот, иако ерекцијата може да е и спонтана (да не е за време на секс). Според дефиницијата на Европската уролошка асоцијација (EAU), еректилна дисфункција е трајна неможност на постигнување и одржување на ерекција доволна за да обезбеди задоволувачка сексуална активност.

„Чести причини се: дијабетес, болести на бубрези, алкохолизам, склероза, атеросклероза, васкуларни и невролошки болести“

Истражувачката група, од Оденсе во Данска, користела матични клетки земени од абдоминални мастни клетки преку липосукција (под целосна анестезија): ниту еден од 21 пациент, не пријавиле значителни несакани ефекти во текот на пробниот период и во следната година. По изолирање на матични клетки, тие биле инјектирани во одреден дел од ткивото на пенисот, наречен кавернозен сноп (corpus cavernosum penis). Пациентите ја напуштиле болницата уште истиот ден.  

Еректилната дисфункција зафаќа скоро половина од мажите на возраст од 40 до 70 години (до одредена мера: еректилната дисфункција може да биде минимална, умерена и целосна). Чести физиолошки причини се дијабетес, болести на бубрези, хроничен алкохолизам, склероза, атеросклероза, васкуларни болести и невролошки болести. Заедно опфаќаат околу 70% од причините за импотенција.

Шест месеци од третманот, 8 до 21 пациент успешно ја вратиле сексуалната функција и одржале пенетративна сексуална активност.

Подобрувањето било одржано цела година, што потврдува дека третманот може да биде со долготрајни придобивки. Користејќи го прифатениот IIEF прашалник за мерење на еректилната функција, целата група од 21 пациент, после оперативниот зафат по 6 месеци, се изјасниле дека нивниот резултат значително се подобрил по 6 месеци.  

Овие истражувачи се првите што користат матични клетки земени од сопствените мастни клетки на пациентот како третман за еректилна дисфункција. Исто така, терапијата е за првпат тестирана врз луѓе, којашто воедно им овозможила на пациентите да вратат значителна еректилна функција за да одржат сексуален однос.


Споделете со пријателите!